Leviticus 8:3 - Keley-i Bible (Antipolo Ifugao)

³ Ey ayagim idan emin hu bimmebley, et umliddadman di heggeppan di Tabernacle.”

Leviticus 8:3 Referans Kwoze

Acts 2:1

Nedatngan hu aggew ni Pentecost ey neamung idan emin hu kamengullug.

2 Chronicles 30:13

Et dakel idan peteg hu neamung di Jerusalem ni mengippahding ni Piyestah ni Sinapay ni eleg meha-adan ni kamampelbag niya Piyestah ni Passover ni nunman ni meikkadwan bulan.

Psalms 22:25

Apu Dios, daydayawen dakan hi-gak ey peamnuk hu inhel ku e i-appitan dakad kakeemmungiddan kamengu-unnud ni kamenaydayaw ni hi-gam.

Nehemiah 8:1

Yan eman ni meikkeppitun bulan ey nampanha-ad ida law hu helag Israel di bebley da. Yan nemangulun aggew nunman ni bulan ey neamung idan emin hu tutu-ud mulkaduh di Jerusalem etan di Eheb e Danum et ehelen dan Ezra e padin nekangngamtan Tugun ni indawat Apu Dios nan Moses, e tu ellan etan libluh ni neitudekan idan nunman ni Tugun.

2 Chronicles 30:25

Nan-am-amleng idan emin hu tutu-un neamung di Judah, yadda padi niyadda edum dan helag Levi, yadda nalpud Israel, yadda immalin mekippiyestah ni tutu-ud edum ni bebley ni nekibebley di Israel niyad Judah.

2 Chronicles 30:2

Nanhuhummangan di Hesekiah, yadda opisyal tu niyadda tuud Jerusalem e pehding da humman ni Piyestah ni meikkadwan bulan.

2 Chronicles 5:6

Neamung di Solomon niyadda helag Israel di hinangga etan ni Kaban et man-appit idan dakel ni kalneroh niyadda bakan eleg mebillang.

2 Chronicles 5:2

Entanni et ayagan Solomon emin ida kamengipappangngulun helag Israel niyadda pamilyah da et maemung idad Jerusalem et da alen di Zion e Bebley David etan Kaban ni neiha-adan ni nekitbalan Apu Dios et ilaw dad Tempol.

1 Chronicles 15:3

Impaeyag David idan emin hu edum tun helag Israel ma-lat maemung idad Jerusalem et dalli alen hu Kaban Apu Dios et iha-ad dad indaddan tun pengihha-adan da.

1 Chronicles 13:5

Et amungen David idan emin hu edum tun helag Israel meippalpud nambebleyan dad pappeg ni Egypt ingganah di Lebo Hammat ma-lat da al-en etan Kaban Apu Dios di Kiriat Jearim et ilaw dad Jerusalem.

Numbers 21:16

Immegah idadman et lumaw idad Beer e kad-an etan ni bubun et umhel hi Apu Dios nan Moses diman e kantuy “Amung mudda tuu et idwatak idan danum.”

Numbers 20:8

“Alam etan hulkud di hinanggan Kaban et amungen yun Aaron emin ida tuu. Hedin neamung ida, ehel ka etan ni batu et maukat danum ma-lat wada innumen idan tuu niyadda animal da.”

Leviticus 8:2

“Ilaw mu hi Aaron et yadda lalakkin u-ungnga tud heggeppan di Tabernacle. Itebin da hu balwasi dan balwasin padi, ya lanan kameussal ni neputuk ni mansilbin Apu Dios, ya kilaw ni lakkitun bakan kamei-appit tep ya liwat, ya dewwan lakkitun kalneroh et ya sinapay ni eleg meha-adan ni kapampelbag ni neiha-ad di agyag.

Leviticus 8:4

Inu-unnud Moses humman ni inhel Apu Dios ni hi-gatu, et yan neamungan idan tuu

Numbers 8:9

Ayagim idan emin hu helag Israel niya peehneng mudda helag Levi di heggeppan ni Tabernacle.

Leviticus 14:11

Ey illaw ni padi etan tuu et yadda i-appit tud heggeppan di Tabernacle di kad-an Apu Dios.