Leviticus 5:5 - Keley-i Bible (Antipolo Ifugao)

⁵ Hedin impahding ni hakey ni tuu ida huyya et neamtaan tu, man mahapul ni ebbuluten tu e impahding tu humman.

Leviticus 5:5 Referans Kwoze

Proverbs 28:13

Ya etan tuun eleg tu ebbuluta nambahulan tu ey endi pambalinan idan tuka ingngunungunu. Nem ya etan tuun tuka ebbuluta nambahulan tu ey kamantuttuyyu, ey hehmeken Apu Dios.

Numbers 5:7

Humman ni tuu ey mahapul ni ebbuluten tun nambahul et bayadan tu multa tu etan di tuun nambahulan tu ey e-duman tun dewampulun porsentoh.

Leviticus 26:40

Nem hedin negibbuh ni hinelheltap idan tuuk hu nemahhig ni pengastiguk ni hi-gada, tep impalaw kuddad bebley idan buhul da ey lektattuy mampekumbabah ida et mantuttuyyudda et abuluten da liwat da et ya liwat idan ammed dan nangngehay ni hi-gak.

Leviticus 16:21

Ey han tu inta-pew hu dewwan ngamay tud ulun nunman ni gelding, ey e-helen tun emin hu nanliwatan idan helag Israel niya nangngehayan da, et heni tudda in-etan ni nunman ni gelding. Et pebeltan tu etan ni neputuk ni tuun mengibbukyat, ma-lat ilaw nunman ni gelding emin hu liwat idan tuu di eleg mebebleyi.

Romans 10:10

Tep ya kapengullug hu kapengibbillangin Apu Dios ni kayyaggud hu tuun neliwtan, niya mahapul ni peamta tud edum ni tuu humman ni nengulugan tu et keang-angan tun nehelakniban.

Joshua 7:19

Et kan Joshua nan Akan ey “U-ungngak, ehel mu hu makulug nan Apu Dios e Dios tayu kadeyyawan helag ni Israel. Imay ehel mu impahding mu, entan tu iheut.”

Daniel 9:4

Nandasallak nan Apu Dios e Dios ku, et abuluten ku e nanliwat itsun tutu-u tu. Kangkud dasal kuy “Apu Dios, hi-gam ey eta-gey ka niya hi-gam mika daydayawa. Muka pannananeng ni peang-ang hu et-eteng ni impeminhed muddan neminhed ni hi-gam niya kamengu-unnud ni tugun mu.

Jeremiah 3:13

Abulut yu e nanliwat kayun nangngehayan yuwak e Ap-Apu e Dios yu et dayawen yudda dios ni edum ni tutu-ud hengeg idan keyew. Hi-gak e Dios hu nanghel nunya.

Psalms 32:5

Entanni law et abuluten ku e nanliwattak ey nginhay daka, et ehelen kun hi-gam e nakka mantuttuyyu ey pinesinsahan mun emin hu liwat ku.

Job 33:27

Kantullin tutu-uy ‘Nanliwattak tep beken ni kayyaggud impahding ku, nem liniwwan Apu Dios hu liwat ku.

Leviticus 5:13

Ya padi mengi-appit ni nunman ma-lat meliwwan hu liwat idan nunman ni tuu. Ellan ni padi etan edum ni alinah tep neieng-eng humman ni hi-gatu henin tuka pehding ni alinah ni kamei-appit.’”