Leviticus 19:9 - Keley-i Bible (Antipolo Ifugao)

⁹ Hedin man-enni kayu ey entan tu pakieni etan ida nangkeigillig ey entan an pambangngad et yu paka-aniyen hu linabhan yu.

Leviticus 19:9 Referans Kwoze

Leviticus 23:22

Hedin man-enni kayu ey entan tu paka-ala hu pagey di nangkeigillig ey entan an kaibangngad et yu paka-al-en ida linabhan yu. Diman ida humman ma-lat wada ellan idan newetwet niyadda nekibebley ni hi-gayu. Hi-gak hu Ap-Apu e Dios yu.

Ruth 2:15

Nambangngad mewan hi Ruth ni an mengemmung ni barley ey kan Boaz etan idan tuka pangngunnun lakiy “Anin ni an mengemmung etan di kad-an idan nangkabtek ni barley, ey entan tu temyaw et eleg mabeingan. Ey anin ni humman ni, gimmuyud kayud bintek yu ni inggah yu ma-lat wada alen tu.”

Ruth 2:2

Hakey ni aggew ey kan Ruth nan inetu e hi Naomi ey “Ettu et lumawwak ni an mengemmung ni inggah idan kaman-ennin barley hedin wada mengi-ebbulut?” Kan inetuy “Ku anin e u-ungngak. Lakkay pangngu.”

Leviticus 23:29

Ya etan tuun mengngan e eleg mantetpel nunman ni aggew ey eleg law meibbillang ni tuuk.

Leviticus 19:8

Ey ya etan tuun mengngan nunman ey nanliwat ni hi-gak, tep eleg tu lispituhen hu neieng-eng ni hi-gak. Et eleg law meibbillang ni tuuk.

Leviticus 19:10

Hanniman mewan hu grapes e entan pambangngad yun mengehhim ni eleg yu bugbugen. Diman ida humman et wada ellan idan newetwet et yadda nekibebley ni hi-gayu. Hi-gak hu Ap-Apu e Dios yu.

Ruth 2:8

Limmaw hi Boaz di kad-an Ruth et kantun hi-gatuy “Dengel mu e-helek e u-ungngak. Anin entan elaw di edum ni payew ni an mengemmung ni inggah dan barley. Yan eyad payew ku hu pangemungim. Tu-tu-nud mudda eya biin nakka pangngunnu.