Leviticus 18:8 - Keley-i Bible (Antipolo Ifugao)

⁸ Ey entan tu iulig hu ahwan ameyu, tep kebe-ingan nan ameyu.

Leviticus 18:8 Referans Kwoze

1 Corinthians 5:1

Wada nengidaddatteng ni hi-gak e wada hakey ni hi-gayun lawah ni peteg tuka pehpehding, tep piniliw tu hu binintan ametu. Nela-med hu bahul tu, tep anin idan eleg mengullug et eleg da pehding humman.

Leviticus 20:11

Ya etan lakin in-ulig tu ahwan ametu ey bineing tu hi ametu. Ya kastigu dan dewwa etan ni biin in-ulig tu ey katey. Hi-gada ngu kambahul ni ketteyyan da.

Deuteronomy 27:20

“Meiddutan etan lakin tuka i-ulig ahwan ametu, tep lawah humman ni impahding tun ametu.” Hummangen idan tutu-un kanday “Amen.”

Deuteronomy 22:30

Eleg mabalin ni an i-ulig ni laki hu ahwan ametu, tep et-eteng ni bahul tun ametu humman.”

Amos 2:7

Heni daka pan-igsin hu endi elet tun tuu niya en-endi-an, niya eleg da iddawat kelebbengan da. Da mewan kababbainga ngadan ku, tep kamanhuhhullul hu han-aman mengi-ullig ni himbut dan bii.

Genesis 49:4

Nem hi-gam ey kaka mei-ellig etan di na-let ni elwang e tuka deplugan emin. Et humman hu, eleg mannananeng hu muka ketbali, tep bineing muwak e hi amam eman ni nengiuligan mun hakey ni ahwak.

Ezekiel 22:10

Wadaddan hi-gayu hu daka i-ulig hu ahwan ameda niya daka pillitan i-ullig hu biin nanengtu hu kamelpud annel tu.

Genesis 35:22

Yan wadaddadman hu nengiuligan nan Reuben nan Bilhah e bega-en da ey hakey ni ahwan ametu. Dingngel nan ametu hi Jacob humman ni impahding. Huyyadda ngadan ida etan ni hampulut dewwan lalakkin u-ungngan Jacob:

Deuteronomy 23:1

Ya hakey ni lakin negapun winu neputul singngedan tu, ey eleg mabalin ni meki-emmung ni hi-gayun mandeyyaw nan Apu Dios.