Joshua 8:9 - Keley-i Bible (Antipolo Ifugao)

⁹ Et yan nunman ni hileng ey impalaw Joshua ida et ida manheged di nantaluan dad nambattanan ni Bethel, et yad appit ni kakelinnugin aggew di Ai. Nem hedin hi Joshua ey nekiugip idan edum ni sindalu tud kampu da.

Joshua 8:9 Referans Kwoze

Joshua 8:12

Impalaw idan Joshua hu liman libun sindalun an mambebtak di nambattanan ni Bethel et ya Ai di appit ni kakelinnugin aggew.

Joshua 7:2

Entanni ey immitu-dak hi Joshua ni tutu-u tun an mansi-im ni Ai e hakey ni bebley ni neihnup di Bet Aben e appit di kasimmilin aggew hedin wada itad Bethel.

Genesis 32:21

Impamengulu tun impalaw ida etan animal ni iddawat tun Esau et manha-ad di kampu da ni nunman ni hileng.

Genesis 12:8

Entanni ey hini-yan da mewan humman ni bebley et manpalaw ida etan di duntuduntug ni bebley et mangkampuddad nambattanan ni Bethel di appit ni kakelinnugin aggew niyad Ai di appit ni kasimmilin aggew. Et kumapya mewan hi Abram ni pan-appitan et dayawen tu hi Apu Dios.

Joshua 8:8

Hedin himmegep kayud bebley, legab yu hu baballey da tep huyya in-olden Apu Dios ni pehding tayu.”

Joshua 8:10

Kamangkewa-wan nunman ni newa-waan tu ey binengun tudda sindalu tu et mampalaw idad Ai e neikuyug ida hu aap-apuddan helag Israel.

1 Samuel 30:27

Indawtan tudda dama etan gagayyum tun aap-apu etan idad bebley e Bethel, Ramot di Negeb, yadda etan edum ni gagayyum tud Jattir, yad Aroer, yad Sipmet, yad Estemoa, yad Rakal, yadda bebley idan Jerahmeelite, niyadda iKenite, yad Hormah, yad Borashan, yad Athak et yad Hebron e humman ida bebley ni linallawwan di David e kabbabbal ida tuudman ni hi-gada.