Joshua 10:18 - Keley-i Bible (Antipolo Ifugao)

¹⁸ Et iolden Joshua idan sindalu tu e kantuy “Hani yun etta-teng ni batu humman ni leyang ey pangguwalya kayun edum ni sindaludman.

Joshua 10:18 Referans Kwoze

Matthew 27:66

Et da ihammad hu tangeb etan ni kulung et han da hi-yanadda etan sindalun man-eddug.

Amos 9:1

Entanniy inang-ang ku hi Apu Dios ni kaman-eh-ehneng di kad-an ni altar e kantuy “Penge-elet kayun manmessuh ni ta-pew idan tukud ni Tempol et matleb hu atep tu et meta-bunan ida tutu-u. Yadda eleg mettey diman ey petteyek idad gubat. Endi an umbebsik ni hi-gada.

Amos 5:19

Tep yan nunman alin aggew ey heni kayulli etan ni tuun tuka pan-ibbebsiki layon, ey dinammu tu hu bear. Hini-yan tu mewan etan bear et dumteng di baley tu et ihka tud luhud, ey killat ni uleg.

Joshua 10:22

Entanni ey kan Joshua idan sindalu tuy “Ekal yudda hu batun neihenid leyang et i-li yud kad-ak etan ida liman patul.”

Joshua 10:17

Wada nenang-ang ni hi-gada et da peamtan Joshua.

Joshua 10:19

Pakihangga kayuddan buhul yud dingkugga ey pedug yudda. Ey ang-ang yu et eleg ida mambangngad di bebley da tep nanna-ud ni pengapput daitsun Apu Dios.”