John 8:44 - Keley-i Bible (Antipolo Ifugao)

⁴⁴ Heni kayu tu-wangu hi ameyu hi Satanas, tep pinpinhed yun pehding ida pinhed tu. Gapun hi-gatu ey kamettey hu tuu. Eleg tu pinhed hu kayyaggud tep endin hekey hu kayyaggud ni elaw tu. Ebuh haul niya itek ni wadan hi-gatu. Hi-gatu ap-apun emin ni maitek.

John 8:44 Referans Kwoze

Acts 13:10

Et kantuy “U-ungnga dakan dimonyoh! Muka kehhingan emin hu kayyaggud ey maheul ka. Muka kehhinga makulug ni kameituttuddun meippanggep nan Apu Dios et muka pambalin ni lawah.

1 John 3:12

Entan tu u-unnud hu elaw Cain e tuun Satanas, tep pintey tu hi agitu. Kaw inamta yu hu gaputun nemateyan nan Cain nan agitu? Pintey tu tep tuka keemmehi kakinayyaggud agitu e hi Abel ey hedin hi-gatu, man lawah hu tuka pehpehding.

2 Corinthians 11:3

Ma-nu tep inamtak e neikahhakey hu impeminhed yun Jesus niya hi-gatun ebuh hu inu-unnud yu, nem ay nakka umkakaguh ni kehe-ulan yudda etan di beken ni makulug hu daka ituttuddu, et heni kayullin Eva e nehaul ni itek etan ni uleg.

Revelation 12:9

et egahen daddad puyek. Humman ni dragon etan la uleg nunman, e hi-gatu etan dimonyoh e hi Satanas e kaumhauhaul ni tuud puyek.

John 8:38

Hi-gak ey ya inang-ang kun Ama hu nakka e-e-hela. Nem hi-gayu ey yuka u-unnuda hi ameyu, et humman hu lawah hu yuka pehpehding.”

John 8:41

Emin kayu ey yuka pehpehding hu lawah, henin kapehpehding ameyu.” Kandan hi-gatuy “Kaw kammuy inla-la-gah kami? Ambeken kamin inla-la-gah, tep hakey ni ebuh hu Amemi e hi Apu Dios.”

1 John 3:15

Ya kapetteyan tuu ey humman etan anggebe-hel tu, et humman hu hedin anggebe-hel ni tuu hu edum tu, ey heni damengu pintey tu. Ey inamta tayu e ya pimmatey ey endi hu biyag tun endi pappeg tu hedin eleg mantuttuyyu.

Matthew 13:38

Ya etan payew ey humman eya puyek e nanha-adan ni tuu. Ya pagey ni neitnem ey humman ida tuun Apu Dios. Ya etan helek ey humman ida impantuun Satanas e ap-apun emin ni lawah.

Jude 1:6

Hanniman ida dama eman edum ni anghel e kakkayyaggud idan nunman, nem nanliwat ida tep eleg da ipahding hu ngunu da dedan ni indinel Apu Dios ni hi-gada et dekugen da nanha-adan da, mukun impalaw tuddad engeenget et naneng tuddadman ingganah alin kehuwetan da et mekastigudda.

1 John 2:4

Ya tuun kantuy kamengullug nan hi Apu Dios, nem eleg tu u-unnuda hu tugun tu, ey maitek niya tuka kehhinga hu makulug ni kameituttuddu.

Revelation 21:8

Nem yadda etan eleg mengu-unnud lan hi-gak tep ya takut da niyadda etan nengiwalleng ni daka pengullug ni hi-gak, yadda lawah daka pehpehding, yadda mangkapetey, yadda nengiulig ni beken da ahwa, yadda maeyak, yadda etan daka deyyawa beken ni makulug ni Dios niyadda mangkaitek ey yad apuy hu lawwan da, e humman meikkadwan ketteyyan.”

Genesis 3:15

Hi-gam niyaddalli helag mu et ya etan bii niyaddalli helag tu ey mambubuhhul kayullin ingganah. Kellaten mulli dapan etan ni helag ni bii, nem tegmilan tulli ulum.”

1 Peter 5:8

Helipat-i yu niya ipapaptek yu annel yu, tep hi Satanas e buhul tayu ey tuka hellipat-i ma-lat bahbahen daitsu e henin etan ni layon ni kamangngengeyyed ni bunget tu.

Revelation 9:11

Wada apu da e humman etan anghel ni kamampaptek etan ni neku-kuan ni endi pappeg ni kadinallem tu. Ya ngadan tud ehel ni Hebrew ey hi Abaddon, yad ehel ni Greek ey hi Apolyon e ya keibbellinan tu ey “Kaumbabahbah.”

Acts 5:3

Nem kan Peter nan Ananayas ey “Ananayas, kele mu in-abulut ni daka he-ulen nan Satanas et man-itek kan Ispirituh Apu Dios? Kammuy indawat mun emin hu gatang etan ni puyek, nem ya kakulugan tu ey intalum edum.

1 Chronicles 21:1

Entanniy pinhed Satanas ni iddawtan ida helag Israel ni panliggatan da et penemnem tun David ni pebillang ida tutu-u tu.

John 6:70

Ey kan Jesus ni hi-gada ey “Hi-gak hu nemilin hi-gayun Hampulut dewwa, nem wada hakey ni hi-gayun henin nemnem Satanas hu nemnem tu.”

Revelation 2:10

Entan ali takut yu hedin umdateng etan panliggatan yu, tep e-helen kun hi-gayu e panliggat dakeyuddallin tuuddan Satanas et peikkellabut dakeyulli, nem humman kepatnaan ni yuka pengullug. Anin ni umhulun ni ketteyyan yu humman idallin ligat et entan takut yu et eleg yu isiked hu yuka pengullug ni hi-gak, yaggud nekemtang alin ebuh e heni nekapulun aggew, tep iddawtan dakeyullin hi-gak ni biyag ni endi pappeg tud kad-an Apu Dios.

2 Peter 2:4

Tep anin idan anghel ni nunman et eleg ida hemeken Apu Dios eman ni nanliwtan da et palaw tuddad impiernoh e nandaul di engeenget et immen idadman e henidda neikubkub e daka hehheggeda hu kehuwetan da.

Revelation 13:14

Impahding tudda miracles ma-lat maidaydayaw etan nemangulun heni animal ni anggetakkut ni napwahan hu nemahhig ni liput di ulu tu. Et humman idan miracles hu tuka pene-ul ni tuu. Et ehelen tuddan tutu-u e umkapyaddan u-ukkul nunman ni heni animal ma-lat daydayawen dan dios da.

Revelation 22:15

Nem yadda etan tuun mangkaheul, yadda maeyak, yadda kamengi-ullig ni beken da ahwa, yadda mapetey, yadda etan daka daydayawa hu beken ni makulug ni dios, yadda mangkaitek niyadda etan kamengippenahding ni linggeman ni lawah ey eleg ida mekihha-ad etan di bebley.

Job 1:11

Kedi nem endiem emin hu kinedangyan tu, ambeken lawah e-helen tun hi-gam!”

1 Kings 22:22

Kan Apu Dios ey ‘Hipa pehding mu?’ Kan etan ni ispirituh ey ‘Umlawwak et nak pan-itek idan emin prophet Ahab.’ Kan Apu Dios ey ‘Lakkay, et nanna-ud ni mehe-ul.’

Matthew 12:34

Kan Jesus mewan ni hi-gaday “Lawah kayu tu-wangun peteg! Ebuh hu lawah ni wadad nemnem yu, et humman gaputun endi kayyaggud ni yuka e-hela. Tep ya wadad nemnem ni tuu ey kameamtad tuka e-hela.

Matthew 13:15

Hanniman kayu tep kahing kayu, et humman hu eleg yu pinhed ni dedngelen niya eleg yu pinhed ni ewwatan. Gullat et ni beken kayun henin nunman, ey han-awat yu hu kameituttuddun hi-gayu, et mantuttuyyu kayu, et pesinsahan ku hu liwat yu.’

John 7:17

Ya tuun neminhed ni mengippahding ni pinhed Apu Dios ey amtaen tu hedin nalpun Apu Dios winu nalpun hi-gak eya nakka ituttuddu.

John 8:55

Ya kakulugan tu ey eleg yu amta hi Apu Dios, nem hedin hi-gak, man naka-amtak ni peteg. Eleg mabalin ni kangkuy eggak amta, tep hedin humman kangku, maitekkak tep. Nem bekennak ni henin hi-gayu e maitek, tep makulug ni naka-amtak hi Apu Dios et hi-gatu nakka u-unnuda.

1 John 1:8

Nem hedin kan tayuy endi liwat tayu, man humman keamtaan tun endi hu makulug ni kakinayyaggud di nemnem tayu, tep itsu kamehe-ul.

1 John 2:21

Nakka pan-ittudek huyyan hi-gayu ma-lat tettengedan yu hu makulug ni elaw ni kamengullug. Beken ni kangkuy eleg yu amta hu makulug, tep inamta tayu e emin hu kamelpun Apu Dios ey beken ni itek.

Acts 24:9

Ey emin ida etan Jews ey nan-uunnud hu daka e-hela e kanday “Em numan, makulug emin huttan.”