John 6:19 - Keley-i Bible (Antipolo Ifugao)

^19-20 Nangginawwadda etan disipol di baybay ey inang-ang da hi Jesus e iyyallin kamandalladallan di ta-pew ni danum. Simmakut idan peteg, nem immehel ey kantuy “Hi-gak huyya, entan takut yu.”

John 6:19 Referans Kwoze

John 14:18

Anin ni hi-yanen dakeyu et eleg dakeyu e-waya tep mambangngaddak alin hi-gayu.

Psalms 93:4

nem endin hekey hu tu kei-ingngehan di et-eteng ni kabaelan mu e Apu Dios di kabunyan.

Job 9:8

Endi nemaddang ni hi-gatun nengibiklag ni kabunyan niya endi nemaddang ni hi-gatun nengigsin etan ni anggetakkut ni mategud baybay.

Jonah 1:13

Eleg pinhed ida etan ni kamangngunnud bapor ni da bebkahen hi Jonah di baybay et tagan dan daka illaput ni mangke-uh ma-lat padekal da etan bapor, nem endi damengu e eleg da han-idekal tep tuka pan-ihhi-met hu pewek.

Ezekiel 27:26

Illaw dakeyun kamangke-uh di baybay, nem yan lawwan yud gawwan baybay ey dammuen yu etan na-let ni pewek ni kamelpud appit ni kasimmilin aggew et bahbahen tu humman ni bapor yu.

Psalms 29:10

Hi Apu Dios hu Patul ni ingganah. Hi-gatu hu ngenamung di emin, anin ni yan eman ni nalbengan ni puyek.

Revelation 21:16

Ya etan bebley ey kuwadladuh e nan-ingngeh kalinakkeb tu niya kadinukkey tu. Simpeng etan ni anghel ey dewwan libu et epat ni gatut ni kilometroh hu kadinukkey tu, ya kasina-gey tu niya kalinakkeb tu.

John 11:18

Ya Bethany ey ngannganih ni tellun kilometroh ni ebuh hu kadinawwi tud Jerusalem.

Luke 24:13

Yan nunman ni aggew ey wadaddad dalan etan dewwan disipol nan Jesus e ida kamenglaw di Emmaus e hampulut dewwan kilometroh hu kadinawwi tud Jerusalem.

Luke 9:42

Daka pan-illaw etan u-ungngad kad-an Jesus ey sinu-li etan ni neihuklung et manggegeygey niya kimmembil annel tu. Nem imbunget Jesus etan neihuklung et ma-kal. Yimmaggud law etan u-ungnga et paewit tun ametu.

John 6:18

Nemahhig hu dalluyun di baybay ni nunman tep na-let hu dibdib.