John 19:2 - Keley-i Bible (Antipolo Ifugao)

² Immaladda pay hu sindalun hebit et palikuhen da et papnget dad ulun Jesus. Et pebalwasian dan madlang ni kaibbalwasin patul.

John 19:2 Referans Kwoze

Luke 23:11

Entanni ey anin damad Herod et yadda sindalu tu ey daka heghegnuda niya daka pippihula. Impambalwasi da balwasin ap-apu et pebangngad dad kad-an Pilate.

Isaiah 53:3

Anggebe-hel ni tutu-u niya daka pippihula. Nemahhig nanhelheltapan tu niya lemyung tu. Endi hakey ni neminhed ni mengitkel ni hi-gatu. Eleg tayun hekey ibilang hu kaweda tu.

Psalms 22:6

Nem hedin katteg ngun hi-gak, man heni-ak bigih ni daka pehding ni hi-gak.

John 19:5

Et umhep hi Jesus e nanengtun imbalwasi tu etan madlang niya nampenget ni hebit. Kan Pilate ni hi-gaday “Adyah etan tuu.”

Isaiah 49:7

Kan Apu Dios, e Kamengihwang niya Kayyaggud ni peteg ni Dios ni Israel, etan ni tuun daka pakappihhula, anggebe-hel ni emin ni kebebbebley eyad puyek, niya bega-en idan aap-apu ey “Ang-angen dakalliddan papatul et uminah idan pengippeang-ang dan lispituh dan hi-gam. Anin idan u-ungnga da et manyuung idan panlispituh dan hi-gam.” Meippahding huyya tep hi-gam pinilin Apu Dios ni bega-en tu. Hi-gatu hu Kayyaggud ni peteg ni Dios ni Israel e tuka pekullug emin hu tuka e-hela.