John 15:14 - Keley-i Bible (Antipolo Ifugao)

¹⁴ Ey hi-gayu makulug ni gayyum ku hedin u-unnuden yu tugun ku.

John 15:14 Referans Kwoze

1 John 5:3

Ka-immatun hedin wada impeminhed tayun Apu Dios tep tayu kau-unnuda etan inhel ni tugun tun pehding tayu. Humman ni tugun ey beken ni neligat,

James 2:23

Huyyan impahding Abraham hu inamnuan ni impatudek Apu Dios ni kantuy “Kinulug Abraham hu inhel Apu Dios, et humman nengibilangan Apu Dios ni hi-gatun kayyaggud.” Humman gaputun kan Apu Dios ey gayyum tu hi Abraham.

John 14:21

Ya tuun kamengu-unnud ni tugun ku ey hi-gatu neminhed ni hi-gak. Ey ya tuun neminhed ni hi-gak ey pinpinhed daman Ama niya pinhed ku dama. Ey hi-gatu pengippeewwatan ku hedin hipa-ak.”

John 14:15

Ka-immatun hedin pinhed yuwak tep u-unnuden yu hu tugun kun hi-gayu.

Luke 12:4

E-helen kun hi-gayun gagayyum ku e entan tu takusidda etan memettey ni hi-gayu, tep hedin pintey dakeyu, endi law edum ni ippahding dan hi-gayu. Ya ittugun kun hi-gayu, ey

John 13:17

Hedin inewatan yu huyyan inhel ku, ipahding yu et umamleng kayu.

Isaiah 41:8

“Nem hi-gayun helag Israel ni bega-en ku hu pinilik ni tutu-uk e helag nan Abraham e gayyum ku.

John 2:5

Nem kan inetu etan idan bega-en ni kamampaptek ey “U-unnud yu hu hipan e-helen Jesus ni hi-gayu.”

John 14:28

Diddingngel yun nunman hu in-inhel kun kangkuy umlawwak, nem mambangngaddak ali mewan di kad-an yu, et hedin makulug ni pinhed yuwak, man wadan um-amleng kayun lawwan kud kad-an Ama e neta-ta-gey nem hi-gak.

2 Chronicles 20:7

Dinegyun mudda hu sigud ni nambebley di deya eman ni dintengan ida lan aammed min imbilang mun tutu-um, et idwat mun hi-gadan helag Abraham e gayyum mu eyadda bebley ni beltanen dan ingganah.

Song of Songs 5:1

Immehel dama etan laki ey kantuy “Hi-gam e nakappinhed kun ahwak, immali-ak eyad leguntak. Nakka mengellan bangbanglu, ya mir niyadda kapampebanglun kennen. Ey um-inummak ni danum ni putsukan, ya meinnum niya gatas.” Immehel ida gagayyum da ey kanday “Hi-gayun dewwan nampehhedan, kamei-ellig di kennen hu neminhed yun hanhakkey. Immay, pappangngan kayu ey penginnuinnum kayu et ingganah mehingla kayud nampinninhedan yu.”

Proverbs 18:24

Hin-addum ey ya etan muka paka-ibbilang ni gayyum mu ey eleg tu pinhed ni umbaddang ni hi-gam hedin makahhapul mu baddang tu, et humman hu, meliggatan ka. Nem wadadda edum ni nehammad ni gayyum e himmalla anhan law daka pemaddang ni hi-gam nem ya anhan ni agim.

Exodus 7:6

Et u-unnuden di Moses nan hi Aaron ni emin hu inhel Apu Dios ni hi-gada.

1 Kings 4:5

Hi Asariah e u-ungngan Nathan hu ap-apuddan gobernor. Hi Sabud e u-ungngan Nathan hu padin konsihal nan hi Solomon e patul.

2 Kings 18:6

Impannananeng tu tuka pengu-unnud Apu Dios e endi eleg tu u-unnuden idan Tugun ni indawat Apu Dios nan Moses.

Jeremiah 32:23

Nem yan inlian da eyad bebley et mambebley ida ey eleg da u-unnuden hu tugun mu niyadda intuttuddum ey eleg da ipahding ida pinhed mun pehding da. Et paelim ida law emin huyyan memahbah ni hi-gada.

Ezekiel 12:7

Et ipahding kun emin humman ni inhel Apu Dios ni nunman ni aggew et ihambag kudda ngunut kun henin kapehding ni tuun kameillaw di edum ni bebley. Et kamangkehilleng ni nunman ey ginu-kangan kun ngamay ku hu dingding ni baley ku et idlan kudman ni immehep e hinahakbatan ku ngunut ku et da-ak kaang-ang-angaddan tutu-u ey menglawwak.