John 15:12 - Keley-i Bible (Antipolo Ifugao)

¹² Ya ittugun kun hi-gayu ey pan-impipinhed kayu henin neminhed kun hi-gayu.

John 15:12 Referans Kwoze

1 John 4:21

Ya intugun Apu Dios ni hi-gatsu ey kantuy “Ya tuun pinhed tu hi Apu Dios ey mahapul daman pinheden tu edum tun tuu.”

John 13:34

Ya baluh ni ittugun kun hi-gayu ey pan-impipinhed kayu, henin impeminhed kun hi-gayu. U-unnud yu hu elaw ni impeminhed kun hi-gayu.

1 Peter 4:8

Ya anhan memengngulun nemnemen tayu ey ya nehammad ni panhimpipinhedan tayu, et anin ni hipa humman ni nambahulan ni edum tayun hi-gatsu et pessinsahan tayudda.

1 John 3:23

Ya tugun tun pinhed tun u-unnuden tayu ey pangulug itsun U-ungnga tu e hi Jesus Christo niya pan-impipinhed itsun emin. Anin hi Jesus Christo et huyyadda hu tuka ittugutugun ni hi-gatsu.

Romans 12:10

Pan-impipinhed kayu henin kapan-impipinhediddan han-aaggin kamengullug nan Jesus Christo. Ey ya pengibbillang yun edum yun tuu, ey ida kametbal nem hi-gayu.

Ephesians 5:2

Mahapul ni man-impipinhed kayu henin impeminhed Jesus ni hi-gatsu et iketey tu hu liwat tayu. Huyyan impahding tu ey impeamleng tu hi Apu Dios tep heni mebanglun neiappit ni hi-gatu.

1 Peter 3:8

Ya edum ni pinhed kun e-helen ni hi-gayun kamengullug nan Jesus, ey pandadagyum kayu, pan-impipinhed kayu, ey pan-inhehmek kayu niya entan pampahhiyya yu.

1 Peter 1:22

Yan nunya law ey yimmaggud elaw yu niya et-eteng law hu impeminhed yun edum yu, tep ya yuka pengu-unnudin kayyaggud ni elaw. Et humman hu, mahapul ni emin kayu ey man-impipinhed kayun peteg.

1 Thessalonians 4:9

Eleg mahapul ni dakeyu tuggunen di meippanggep ni pan-impipinhedan, tep impeamta dedangngun Apu Dios ni hi-gayun mahapul ni man-impipinhed itsun emin.

1 Thessalonians 3:12

Niya nakka iddasal e hi Jesus Christo e Apu tayu hu mengihammad ni yuka pan-impipinhedin han-aaggin kamengullug niya impeminhed yun edum yun tuu ma-lat henin impeminhed min hi-gayu.

2 Thessalonians 1:3

Kayyaggud hu mansalamat kamin kenayun nan Apu Dios gapuh ni hi-gayun kaegiegi, tep kamangkeihhammad law hu yuka pengullug nan Jesus niya impeminhed yun edum yu.

Malachi 1:2

Kan Apu Dios idan tutu-u tuy “Pininhed dakeyu dedan ni hi-gak.” Nem hinumang da et kanday “Inna-num ni nengipeang-ang ni neminhed mun hi-gami?” Et kan Apu Dios ey “Han-agid Esau nan Jacob, nem ya eman la ammed yun hi Jacob niya hi-gayun helag tu hu pininhed ku.

John 15:17

Ya ittugun kun hi-gayu ey pan-impipinhed kayu.

2 John 1:5

Pinhed kun penemnem mewan ni hi-gam eya tugun e mahapul ni man-impipinhed itsu. Tep hedin man-impipinhed itsu, man u-unnuden tayun emin hu tugun Apu Dios, et humman hu u-unnud yu. Huyyan tugun ey beken ni hin-appil, tep huyya neitugun ni hi-gatsu eman ni laputun nengulugan tayun Jesus.