John 13:34 - Keley-i Bible (Antipolo Ifugao)

³⁴ Ya baluh ni ittugun kun hi-gayu ey pan-impipinhed kayu, henin impeminhed kun hi-gayu. U-unnud yu hu elaw ni impeminhed kun hi-gayu.

John 13:34 Referans Kwoze

Ephesians 5:2

Mahapul ni man-impipinhed kayu henin impeminhed Jesus ni hi-gatsu et iketey tu hu liwat tayu. Huyyan impahding tu ey impeamleng tu hi Apu Dios tep heni mebanglun neiappit ni hi-gatu.

Leviticus 19:18

Entan tu nenemnem ni ibbaleh hedin wada lawah ni impahding ni hakey ni tuun hi-gayu. Ey entan tu pannananeng ni anggebe-helen humman ni tuu, nem peang-ang yu impeminhed yun hi-gatu e henin impeminhed yun annel yu. Hi-gak hu Ap-Apu.

John 15:17

Ya ittugun kun hi-gayu ey pan-impipinhed kayu.

1 Peter 1:22

Yan nunya law ey yimmaggud elaw yu niya et-eteng law hu impeminhed yun edum yu, tep ya yuka pengu-unnudin kayyaggud ni elaw. Et humman hu, mahapul ni emin kayu ey man-impipinhed kayun peteg.

Galatians 6:2

Pan-imbabaddang kayu et baddangan yudda edum yun wada ligat tu, tep humman elaw ni pengu-unnudan yun tugun Jesus Christo.

1 John 3:23

Ya tugun tun pinhed tun u-unnuden tayu ey pangulug itsun U-ungnga tu e hi Jesus Christo niya pan-impipinhed itsun emin. Anin hi Jesus Christo et huyyadda hu tuka ittugutugun ni hi-gatsu.

1 John 4:21

Ya intugun Apu Dios ni hi-gatsu ey kantuy “Ya tuun pinhed tu hi Apu Dios ey mahapul daman pinheden tu edum tun tuu.”

James 2:8

Ya keim-importantehan ni tugun Apu Dios ni neitudek ey kantuy “Ya peminhed yun edum yun tuu ey henin peminhed yun annel yu.” Et kayyaggud hedin humman hu yuka u-unnuda.

1 Thessalonians 3:12

Niya nakka iddasal e hi Jesus Christo e Apu tayu hu mengihammad ni yuka pan-impipinhedin han-aaggin kamengullug niya impeminhed yun edum yun tuu ma-lat henin impeminhed min hi-gayu.

Romans 12:10

Pan-impipinhed kayu henin kapan-impipinhediddan han-aaggin kamengullug nan Jesus Christo. Ey ya pengibbillang yun edum yun tuu, ey ida kametbal nem hi-gayu.

2 John 1:5

Pinhed kun penemnem mewan ni hi-gam eya tugun e mahapul ni man-impipinhed itsu. Tep hedin man-impipinhed itsu, man u-unnuden tayun emin hu tugun Apu Dios, et humman hu u-unnud yu. Huyyan tugun ey beken ni hin-appil, tep huyya neitugun ni hi-gatsu eman ni laputun nengulugan tayun Jesus.

Galatians 6:10

Et mukun nakka e-helan hi-gayu e hedin wada wayah tayun mengippahding ni kayyaggud di edum tayu, man ipahding tayu, nema-maddad edum tayun kamengullug ni neigappat di pamilyah Apu Dios.

1 John 3:11

Et humman hu, ya kayyaggud ey man-impipinhed kayu, tep humman neitudun hi-gayu eman ni laputun nengulugan yun Jesus.

Leviticus 19:34

Nem ipahding yun hi-gada hu henin yuka pehding idan edum yun helag Israel. Nemnem yu e nekibebley kayu damad Egypt ni nunman. Hi-gak hu Ap-Apu e Dios yu.

Hebrews 13:1

Hi-gayuddan kamengullug nan Jesus Christo, ey pannananeng yun man-impipinhed.

2 Thessalonians 1:3

Kayyaggud hu mansalamat kamin kenayun nan Apu Dios gapuh ni hi-gayun kaegiegi, tep kamangkeihhammad law hu yuka pengullug nan Jesus niya impeminhed yun edum yu.

Galatians 5:22

Nem yadda etan tuun kamengu-unnud ni kaituttuddun Ispirituh Apu Dios ey hi-gada hu wada impeminhed da, ida kaman-am-amleng, melinggep ida, neanus ida, kayyaggud ida, ida kameiddinel ni mengippahding ni daka e-hela,

Colossians 1:4

tep ya nangngelan min yuka pengullug nan Jesus Christo et ya yuka peminhed idan tuun Apu Dios.

Galatians 5:6

Tep hedin hi-gatsun kamengullug nan Jesus Christo ey beken ni ya kekuggitan tayu winu ya eleg tayu kekuggisi hu importanteh, nem ya tayu kapengullug e kameang-ang di impeminhed tayun edum tayun tuu.

John 17:21

Ama, nak ida kaiddasali ma-lat mandadagyum idan emin henin nandagyuman ta. Ey ma-lat mandadagyum itsun emin et kulugen idan eleg mengullug e intu-dak muwak.

Psalms 119:63

Yadda neminhed ni mengippeamleng ni hi-gam niya kamengu-unnud ni tugun mu hu nakka ibbilang ni gagayyum ku.

Psalms 16:3

Nakka tettebala ida etan kamekangngu-unnud nan Apu Dios ey nakka um-amleng ni mekikkillaw ni hi-gada.

Matthew 5:44

Nem yan nunya ey e-helen kun hi-gayu e mahapul ni pinheden yudda buhul yu niya iddasalan yudda tuun kamengippelilligat ni hi-gayu

Romans 13:8

Hedin wada utang yu, ey bayadi yu, ma-lat endi yu nemnemnemen. Nem wada hakey ni mahapul ni eleg tayu lilliwwanan kenayun ni heni utang tayu, e mahapul ni man-impipinhed itsun emin. Tep ya tuun pinheden tu edum tun tuu, ey inu-unnud tun emin hu Tugun Apu Dios.

Romans 13:10

Tep hedin pinheden tayu edum tayun tuu, ey eleg tayu ippahding hu lawah ni hi-gada. Et humman hu, hedin wada impeminhed tayun edum tayu, ey tayu kau-unnudan emin hu intugun Apu Dios ni hi-gatsu.