John 12:29 - Keley-i Bible (Antipolo Ifugao)

²⁹ Dingngel idan neamung ey kan idan edum ey kidul humman. Yadda edum ey kanday anghel ni nekiungbal nan Jesus.

John 12:29 Referans Kwoze

Revelation 14:2

Entanni mewan ey wada dingngel kun ehel ni nalpud kabunyan ni heni na-let ni bungug ni kamampey-uk ni danum niya heni na-let ni kidul. Humman ni dingngel ku ey heni tenul idan dakel ni nelaing ni manggitalah.

Revelation 11:19

Entanni ey neibeghul hu Tempol Apu Dios di kabunyan et kameang-ang etan Kaban ni neiha-adan ni neitudkan ni nekitbalan tu. Ey kamangkekedyam niya kamangkikidul. Ey wada kamambungngug niya kamanyeyegyeg ey nemahhig hu udan e kamandallallu.

Revelation 8:5

Entanni ey inla etan ni anghel hu pengiggihheban ni insensoh et ha-adan tun apuy ni nalpud altar et bekahen tud puyek ey kamangkikidul niya kamangkekedyam niya nanyegyeg ni na-let.

Revelation 6:1

Entanni ey inang-ang ku etan Impah ni Kalneroh e ingkal tu etan nemangulun impamket da etan ni neludun ni papil ey dingngel ku ehel etan ni hakey ni mategu e heni kidul tep na-let ehel tu e kantuy “Ikay.”

Ezekiel 10:5

Kamedngel di nengin-ahpat ni dallin ni Tempol hu bungug ni payak idan epat ni anghel e heni ehel Apu Dios e Kabaelan tun emin.

Job 40:9

Kaw neiingngeh hu elet mud elet ku? Kaw heni kidul hu ehel mu henin ehel ku?

Exodus 20:18

Yan nangngelan idan tuu etan ni kidul et ya etan na-let ni tenul ni tangguyup, niya nenang-angan dan nemahhig ni kedyam niya etan kaman-aahuk ni duntug ey ida kamanggegeygey ni takut da et uma-allaw ida.

Exodus 19:16

Yan nunman ni kakkabbuhhan ni meikkatlun aggew ey kamangkikidul ey kamangkekedyam niya wada mahdel ni kulput etan di ta-pew ni duntug. Wada pay hu na-let ni tenul ni tangguyup. Ey emin ida helag Israel ey ida kamanggegeygey ni takut da.

Acts 9:7

Emin ida etan tuun ingkuyug Saul ey ida kametemma tep dingngel da etan kaman-e-hel, nem eleg da han-ang-ang.