John 12:13 - Keley-i Bible (Antipolo Ifugao)

¹³ et ida mampangelan bulung ni palmah e heni bulung ni neyug, tep humman hu elaw ni daka penaydayaw, et lumaw idan an menammun Jesus. Katkuk ida e kanday “Daydayaw tayu hi Apu Dios! Daydayaw tayu eya intu-dak tun Patul di Israel.”

John 12:13 Referans Kwoze

Revelation 15:3

Daka pan-ia-appeh hu a-appeh nan Moses e bega-en lan Apu Dios niya humman dama a-appeh ni meippanggep etan ni Impah ni Kalneroh. Kandad a-appeh da ey “Kaketngain emin eya dakel ni muka pehpehding, Apu Dios e Han-ipahding tun emin. Meandeng niya makulug ni emin hu elaw mu. Hi-gam dedan hu Ap-apun emin ni tuu niya hi-gam ali hu Ap-apun ingganah.

Revelation 7:9

Nan-ang-angngak mewan ey wadadda neamung ni hantapug ni tuun eleg mebillang. Immehneng idad hinangga etan ni yimmudung di yuddungngan ni ap-apu et ya etan Impah ni Kalneroh. Nalpuddad nambakbaklang ni bebley ey nambakbaklang ni emin hu nahlagan da, ya ehel da et ya neitu-wan da. Nampambalwasiddan mangkablah ey wada singnged dan bulung ni palmah.

John 1:49

Et kan Nathaniel ni hi-gatuy “Apu, hi-gam hu makulug ni U-ungngan Apu Dios. Hi-gam hu makulug ni Ap-apun helag Israel.”

Matthew 23:39

Et e-helen kun hi-gayu e eleg yuwak ali law ang-anga ingganah kanyuy ‘Kakkayyaggud hu intu-dak nan Apu Dios e kamengippeamtan hi-gatu.’”

Hosea 3:5

Nem medettengan ali hakey ni aggew ni pambangngadan idan helag Israel nan Apu Dios e Dios da niya etan helag David e patul da. Yan nunman ali ey tekkutan da niya mengu-unnud ida law nan Apu Dios et bendisyonan tudda.

John 19:15

Ey ida kamantetekkuk e kanday “Ilaw yu et yu ipetak!” Kan Pilate ni hi-gaday “Kaw peippettak ku patul yu?” Kan idan ap-apuddan padi ey “Endi edum ni patul mi! Hi Cesar ni ebuh.”

Sephaniah 3:15

Tep siniked nan Apu Dios hu kastigu yu niya inendi tu buhul yu. Hi-gatu e Patul ni Israel ey wadad kad-an yu et endi law yu tekkutan.

Revelation 19:16

Wada neitudek di balwasi tu niyad heli tun kantuy “Patul ni emin ni patul niya Ap-apun emin ni ap-apu.”

Isaiah 44:6

Kan mewan Apu Dios e Kabaelan tun emin e kamenellaknib idan helag Israel ey “Hi-gak ni Dios ni ebuh hu endi laputu niya endi pappeg tu, endi edum.

Leviticus 23:40

Yan nunman ni memengngulun aggew ey um-ala kayuddan kekakkayyaggudan ni lameh ni intanem yun keyew, ya bulung ni palmah et ya makabbulung ni pangan keyew et ilepu yu piyestah ni pandaydayaw yun hi-gak e Ap-Apu e Dios yun pitun aggew.

John 12:15

“Entan takut yun iJerusalem tep iyalli Patul yun nantakkay di kilaw ni kebayyu.”

Matthew 27:42

“Binaddangan tu edum ni tuu, nem eleg han-ihwang tu annel tu. Tep kaw dedan hi-gatu Patul tayun helag Israel? Nem ka-immatun numan hedin makulug ni hi-gatu Patul tayun Jews, tep e-kalen tu annel tun nunya eyad neipetakan tu. Hedin numan me-kal, man kullugen tayu.”

John 12:14

Inang-ang Jesus etan kilaw ni kebayyu et mantakkay. Huyya inamnuan etan ni inhel Apu Dios ni impatudek tu e kantuy