Joel 3:20 - Keley-i Bible (Antipolo Ifugao)

^20-21 Et humman hu, kastiguek ida et iewit kudda etan nampatey da. Nem i-ehneng kudda iJudah niyadda iJerusalem et mannananeng hu bebley dan mebebleyan ni ingganah. Niya hi-gak e Ap-Apu e Dios ey mambebleyyak di Zion.”

Joel 3:20 Referans Kwoze

Ezekiel 37:25

Mambebley idallid nambebleyan ida lan aammed da e humman hu bebley ni indawat kun nunman nan hi Jacob e bega-en ku. Yadman ali law pambebleyan dan ingganah, anin idan u-ungnga da niyadda inap-apu da. Yalli pampatul dan ingganah ey henilli eman ni bega-en kun hi David.

Amos 9:15

Mei-ellig ni ittanem kuddalli tutu-uk di bebley da et endilli law an mengebbut ni hi-gada. Hi-gak e Ap-Apu hu nanghel idan nunya.”

Isaiah 33:20

Ang-ang yu hu Jerusalem, e Zion hu hakey ni ngadan tu, e bebley ni pampiyestahan tayun penaydayawan tayun Apu Dios. Kayyaggud humman ni bebley tep melinggep ni panha-adan. Humman ni bebley ey kameiddingpat di kampun neatepan ni tuldah ni eleg pay ni maialdan et eleg meukbuh ida paghek ni neiiketan tu. Anin idan linubid ni iket tu et eleg makmakhat.