Jeremiah 7:34 - Keley-i Bible (Antipolo Ifugao)

³⁴ Ey mambalin alin eleg mebebleyi humman ni bebley et meendi hu hipan kapetnul ni kapan-am-amlengin kasal di Judah niya kapan-am-amlengid keltad di Jerusalem.”

Jeremiah 7:34 Referans Kwoze

Revelation 18:23

Endilli law an meang-ang mewan ni dilag diman niya endilli law an medngel ni mengahwadman. Humman kastigu da, tep yadda etan kamanggettang ni nalpudman e bebley ey ida kametbal, nem hineuheul dadda tuud kebebbebley.

Hosea 2:11

Pappegen kun emin hu piyestah ni tuka pan-an-anlai, heniddan sinnoon niya binnulan ni piyestah, ya Sabaduh ni Nungew niyadda edum ni piyestah.

Ezekiel 26:13

Et endilli law hu yu pan-an-anlaan tep pesikked ku hu a-appeh yu niya tenul ni ayyuding yu.

Jeremiah 25:10

Pappegen kuddalli hu kamedngel ni tekutekuk idan tutu-udman gapuh ni amleng da, anin idan daka petnul ni pan-an-anlaan ni kasal. Ey endien ku kennen dan pagey ey e-depen ku dilag ni kengkeh da.

Jeremiah 16:9

Jeremiah, ehel mun hi-gada e hi-gak e hi Apu Dios e Kabaelan tun emin ni Dios idan helag Israel ey kangkuy: Yan nunyan ketaggu yu ey endien kun emin hu tenul ni kapan-am-amlengi, anin idad kasal. Ya kakulugan tu ey nanengtullin mategudda tutu-udya et ang-angen daddalli huyyan meippahding.

Isaiah 1:7

Anin ya bebley yu et binahbah idan buhul yu et giheben da. Yuka itettekel ey daka pan-al-an emin hu lameh ni intanem yu niya daka pambahbahan emin hu wadad bebley yu.

Leviticus 26:33

Peellik ali mengubbat ni hi-gayu et iwehit dakeyud kebebbebley et mebel-ah hu pupuyyek yu niya mannananeng ni mebahbah hu bebley yu.

Micah 7:13

Nem mekabbahbah idalli edum ni bebley eyad puyek tep ya lawah ni peteg ni kapehding ni tutu-un nampambebley diman.”

Jeremiah 4:27

Inhel dedan Apu Dios e kantuy “Bahbahen kun emin hu bebley eyad puyek et mambalin ni endi silbi da. Nem eleg kulli pakabbahbaha.

Isaiah 3:26

Ey mangkebahbah idalli hu eheb et nemahhig ali lemyung idan tuun natdaan diman. Henilli kaumlelemyung ni biin kamanyukyukmuh di puyek e kaumnanginangih, tep inla dan emin hu wadadman.

Jeremiah 33:10

Kan Apu Dios ey “Kan idan tutu-uy nebahbah eya bebley da et heni eleg mebebleyi e endi kamanha-ad ni tutu-u niya animal. Ey neiptek numan humman ni inhel dan endin hekey hu tutu-u niya animal idad bebley di Judah ey yaddad keltad di Jerusalem, nem medettengan ali mewan tsimpuh ni medngel idallid bebley

Isaiah 6:11

Minahmahak e kangkuy “Ingganah ni pigantu pengippahdingak nunya?” Ey kantuy “Ingganah mebahbah ida bebley et meendidda tutu-udman et mangkabeew emin hu baballey niya mangkebel-ah ida bebley et mambalin ni endi silbi da.

Psalms 78:63

Et mangkatey idad gubat hu nehiken ni lalakkin u-ungnga da et endi law hu i-ahwaddan bibi-in kimmat-agu.

Jeremiah 22:6

Kan mewan Apu Dios ey “Kayyaggud ni peteg eya baley ni patul ni Judah, henin kakinayyaggud ni Gilead niya duntug di Lebanon, nem bahbahen kulli et endi mambelley.

Jeremiah 27:17

Em, entan tu kulug hu daka e-hela. Pansukuh kayu kumaddan ni patul di Babilon ma-lat tumegu kayu. Tep hedin eleg kayu mansukkuh man mekabbahbah eya bebley.

Jeremiah 44:6

Humman gaputun nemahhig bunget kun hi-gadan bimmebley di Judah niyad Jerusalem et legaben ku bebley da. Et ingganah nunya ey nanengtun nebahbah ida.

Lamentations 5:14

Eleg ida law manyuyyuddung di eheb ni bebley hu nangkea-amma, ey eleg ida law man-a-appeh niya eleg ida law menayyatayyaw hu kamenikken ni lalakki.

Job 3:7

Pambalin mu humman ni hileng ni endi silbitu niya ang-ang mu et endi man-am-amleng.

Jeremiah 4:26

Yadda la puyek ni mateba kameitnem ey nambalin idan mepantal. Nebahbah emin hu bebley gapuh ni nemahhig ni bunget Apu Dios.

Jeremiah 33:11

hu tekuk ni tutu-u tep ya amleng da. Ey medngel ali mewan hu ngaladdan kaman-an-anlan mangkasal niya a-appeh idan tutu-un mengi-lin i-appit dan hi-gak eyad Tempol gapuh ni pansalamatan da. Kandalliy ‘Pansalamat itsun Apu Dios e Kabaelan tun emin tep kayyaggud ey kamannenneng hu impeminhed tu.’ Em, pekeddangyan kulli mewan eya bebley et heni mewan lan nunman. Hi-gak e Ap-Apu hu nanghel idan nunya.”

Ezekiel 7:11

Anin ni di attu et ida kamampapatey hu tutu-u et lektattuy endin hi-gada hu an meihwang di kekastiguan da. Emin ali limmu da ey meendi.

Hosea 2:13

Kastiguek tep ya nengiwallengan tun hi-gak et man-appit ni insensoh ni pandeyyaw tun Baal. Inusal tu mewan hu betling et ya edum ni gamgam tu et panepang tuddan tuka pekia-ayyam ni lalakki. Hi-gak e Ap-Apu hu nanghel idan nunya.