Jeremiah 49:12 - Keley-i Bible (Antipolo Ifugao)

¹² Huyya pay hu inhel Apu Dios: “Hedin manhelheltap etan ida endi bahul tu et nema-ma-ma ngu hu panhelheltapan yu. Em, mahapul ni manhelheltap kayu dama.

Jeremiah 49:12 Referans Kwoze

Obadiah 1:16

Nemahhig hinelheltap idan tutu-uk di duntug ku, nem nehalhalman ali dama hu helheltapen yun pengastiguk ni hi-gayu, anin idan bimmebley di nanlinikweh, ma-lat meendi kayun emin e heni kayu endi dedan nunman.

Jeremiah 46:27

Kan mewan Apu Dios ey “Hi-gayun tutu-uk ni helag Israel, entan takut yu. Ihhehwang dakeyun hi-gak di neidawwin bebley ni nengilawwan dan hi-gayun nambalinan yun balud et ibbangngad dakeyud bebley yu et luminggep kayu. Endi law eggelan yu ey endi law mengippetekkut ni hi-gayu. Um-ali-ak ni mengihwang ni hi-gayu. Bahbahen kun emin ida bebley ni nengiwehitan kun hi-gayu, nem eleg dakeyu bahbaha. Ma-nut kastiguen dakeyu, nem limpiyuh pehding ku. Hi-gak e Dios hu nanghel nunya.”

Jeremiah 30:11

Tep baddangan dakeyun hi-gak et ihwang dakeyu et pekabbahbahen kuddalli bebley ni nengiwehitan kun hi-gayu. Anin ni hanniman ey eleg mabalin ni eleg kayu mekastigu, nem limpiyuh pengastiguk. Hi-gak e hi Apu Dios hu nanghel idan nunya.”

Jeremiah 25:15

Kan mewan ni Ap-Apu e Dios idan helag Israel ni hi-gak ey “Alam eya basuh e kamei-ellig ni napnun bunget ku. Ilaw mud emin di bebley ni pengitu-dakan kun hi-gam et painuman muddan emin hu tuudman.

Proverbs 17:5

Ya etan tuun tuka taltalanggaidda newetwet, ey hi Apu Dios e nanletun hi-gada hu tuka taltalanggai. Ey ya etan tuun kaman-am-amleng hedin wada lawah ni neipahding di edum tun tuu, ey kastiguen Apu Dios.

Matthew 20:22

Nem kan Jesus etan idan han-agi ey “Eleg yu amta hu kapan-ibbagan ineyu. Kaw makkaw et dammutun han-isipel yu hu ligat ni heni eyan panliggatan ku?” Kandan hi-gatuy “Dammutun han-isipel mi.”