Jeremiah 29:2 - Keley-i Bible (Antipolo Ifugao)

² Yan nunman ey negibbuh ni neilaw di Babilon di Jehoiachin e patul, hi inetu niyadda opisyal di baley tu, yadda ap-apud Judah niyad Jerusalem, yadda nekangngamtan mengapyan kumpulmih niyadda nelaing ni hipan ngunu.

Jeremiah 29:2 Referans Kwoze

Jeremiah 28:4

Ey ibbangngad ku hu patul di Judah e hi Jehoiachin e u-ungngan Jehoiakim niya emin iJudah ni neilaw di Babilon. Em, endien kulli kabaelan ni patul di Babilon. Hi-gak e Dios hu nanghel nunya.’”

Jeremiah 24:1

Yan negibbuhan ni nengal-an Nebukadnessar e patul di Babilon ni patul di Judah e hi Jehoiachin e u-ungngan Jehoiakim niyadda nangkelaing ni mengapyan kumpulmi et ilaw tuddad Babilon ey impeang-ang Apu Dios ni hi-gak hu dewwan basket ni napnun fig di hinanggan Tempol tu.

2 Kings 20:18

Meillaw idalli edum ni helag mud Babilon et mapnahan ida et ingunwan da hu patul diman.”

2 Kings 9:32

Intangaw Jehu ey simmekuk et kantuy “Hipa memaddang ni hi-gak?” Ey dimmu-ngaw hu dewwa winu tellu nekapun ni opisyal etan di baley ni patul ni nengidu-ngaw di habhabyen ni hi-gatu.

1 Samuel 13:19

Yan nunman ni daka panggugubati ey endi almas idan helag Israel. Ebuh hi Saul et hi Jonathan e u-ungngatun wada ispadah da niya pahul da. Tep yad bebley dad Israel ey endin hi-gadan Hebrew hu nengamtan man-e-dih tep eleg pinhed idan iPilistia ni amtaen dan mengapyan ispadah niya pahul. Et humman hu yad Pilistia hu kapengellaiddan Hebrew ni aledu, gabyon, wahay et ya gapas. Ya bayad ni pena-lidan dan wahay et ya pahul ey hakey ni ek-ekut ni gumek ni pihhu. Et ya bayad ni pena-lidan dan aledu et ya gabyon ey dewwan gumek ni pihhu.

Jeremiah 13:18

Entanni ey immehel mewan hi Apu Dios ni hi-gak et kantuy “Ehel mun patul et hi inetu et ma-kal idad nan-ap-apuan da tep meapput ali hu nan-ap-apuan da.”

Jeremiah 38:7

Nem entanni ey wada hu hakey ni opisyal e hi Ebedmelek e iEthiopia ni kamangngunnud baley ni patul ni nangngel ni nemuyunan da-ak di hibuy et lumaw di kad-an ni patul e kamampemitting di Eheb e Benjamin et kantun hi-gatuy

Jeremiah 29:20

Et humman hu, hi-gayun emin ni nalpud Jerusalem ni neilaw di Babilon, dengel yuwak: