Jeremiah 28:6 - Keley-i Bible (Antipolo Ifugao)

⁶ “Tam em, kayyaggud ni peteg huttan ni inebig mu! Hehheggeden ku hu pengippahdingan Apu Dios nuntan ni inhel mu! Kayyaggud hedin pannenneng tu huttan ni inebig mu et ibangngad tun emin ida ngunut ni Tempol niya emin ni tutu-un neilaw ni balud di Babilon.

Jeremiah 28:6 Referans Kwoze

Psalms 41:13

Kamedeyyaw hu Ap-Apu e Dios idan helag Israel! Em, medaydayaw ni ingganah. Amen. Em, amen!

1 Kings 1:36

Immehel hi Benaiah ey kantuy “Meippahding emin huttan ni inhel mu ey tetbalen et anhan Apu Dios e Dios mu,

Jeremiah 11:5

Ey peamnuk hu hinammad kun inhel ida lan aammed dan kangkuy iddawat kun hi-gada etan kayyaggud ni puyek ni nambebleyan dan nunya.” Hinumang ku et kangkuy “Em, Apu Dios.”

Revelation 19:4

Entanni ey nandukkun ida etan epat ni mategu niyadda etan dewampulut epat ni aap-apu et daydayawen da hi Apu Dios e yimmudung di kayuddungin Ap-apu et kanday “Daydayaw tayu hi Apu Dios! Amen.”

Revelation 5:14

Hinumang ida etan ni epat ni mategu et kanday “Amen.” Et mandukkun ida aap-apu et daydayawen da hi Apu Dios niya etan kameingngadnin Impah ni Kalneroh.

Revelation 3:14

Kantu pay ni hi-gak ey “Pantudek ka etan ni anghel idan kamengullug di Laodicea et kammuy: Ya etan Amen hu ngadan tu e makulug ni emin tuka e-hela niya kayyaggud ni emin tuka pehpehding ey hi-gatu umhulun ni nanletuan nan Apu Dios ni emin eyan wadan nunya ey kantun hi-gayuy

Revelation 1:18

Hi-gak etan mategun ingganah. Neteyyak la, nem ang-ang mu kedi e mategu-ak law ni ingganah. Hi-gak nangnged ni alladdud kalawwin kamettey tep hi-gak nangnged ni biyag ni tuu niya wada kelebbengan kun mengippellaw ni linnawan tuud lawwan tu hedin netey.

2 Corinthians 1:20

Tep hi-gatu hu kamengippeamnun emin ni impakulug Apu Dios. Et humman gaputun kan tayuy “Amen” di dasal tayu e ya keibbellinan tu ey itsu kamedinnel nan Jesus e ebbuluten tu dasal tayu ma-lat madeyaw hi Apu Dios.

1 Corinthians 14:16

Tep hedin eleg yu pehding humman, ey inna-nu hedin in-ehel etan ni kamandasal di ehel ni eleg han-awat ni edum tu, inna-nun penghelan dan “Amen,” hedin eleg da awatan hu dasal tu?

Matthew 28:20

Ituttuddu yun emin ni tuu e mahapul ni u-unnuden dan emin hu intugun kun hi-gayu et wada-ak ni hi-gayun kenayun ingganah ni kepappegan eyan puyek.”

Matthew 6:13

Ipaptek dakemi ma-lat eleg kami madinin manliwwat. Ey baddangi dakemi ma-lat eleg dakemi haulen nan Satanas ni mengippahding ni lawah.’”

Jeremiah 28:3

Ey yan melebbah ali dewwan toon ey ibangngad kun emin ida nebalol ni ngunut di Tempol ni inlaw tud Babilon.

Jeremiah 18:20

Kaw ya lawah hu pambelleh dan kayyaggud ni nakka pehding ni panyaggudan da? Deh, nengu-kuddan bitun keknaan ku, anin ni nandasallak ni hi-gam et eleg mudda kastiguen.

Jeremiah 17:16

“Apu Dios, eggak iwalleng hu ngunuk ni mengituttudduddan tutu-um ni pinhed mun ituttudduk. Ey inamtam e eleg ku ibgan hi-gam ni kastiguen mudda.

Psalms 106:48

Daydayaw tayu hu Ap-Apu e Dios tayun helag Israel. Em, daydayaw tayun ingganah. Emin itsu ey kantayuy “Amen!” Daydayaw tayu hi Apu Dios!

Psalms 89:52

Daydayaw tayu hi Apu Dios ni ingganah. Amen. Em, amen!

Psalms 72:19

Ey daydayaw tayu hu kamedeyyaw ni ngadan tun ingganah. Ya pinhed ku ey meihhinnap hu dayaw tud kebebbebley eyad puyek. Amen! Em, amen!

1 Chronicles 16:36

Daydayaw tayu hu Ap-Apu e Dios tayun helag Israel. Em, daydayaw tayun ingganah. Emin itsu ey kantayuy “Amen! Daydayaw tayu hi Apu Dios!”

Numbers 5:22

eyan neidutan ni danum ni innumem.” Hummangen etan ni bii et kantuy “Ebbulutek huttan ni pehding Apu Dios.”

Sekariah 6:10

“Alam ida etan silber niya balituk ni i-alid Heldai, hi Tobijah et hi Jedaiah ni inla dad Babilon ni indawat idan helag Israel ni neilaw diman. Hedin umdateng ida, ey mudda dammud baley Josiah e u-ungngan Sepaniah.