Jeremiah 24:3 - Keley-i Bible (Antipolo Ifugao)

³ Entanni ey immehel mewan hi Apu Dios ni hi-gak et kantuy “Hipa inang-ang mu e Jeremiah?” Kankuy “Lameh ni fig e kayyaggud edum ey lawah edum. Kayyaggud ni kennen hu edum ey eleg mekkan hu edum.”

Jeremiah 24:3 Referans Kwoze

Amos 8:2

“Hipa inang-ang mu e Amos?” Hinumang ku e kangkuy “Inang-ang ku hu basket ni napnun nelutun lameh ni keyew.” Kan Apu Dios ni hi-gak ey “Kamei-ellig ida tuuk ni iIsrael di nelutun lameh ni keyew, tep nedateng law aggew ni kekastiguan da. Eleggak a-ayyapawa pengastiguak ni hi-gada.

Sekariah 4:2

Ey kantun hi-gak ey “Hipa muka ang-ang-anga?” Kangkuy “Nakka ang-ang-anga hu pattukkan ni kengkeh ni nekapyad balituk niya neita-pew hu mahukung ni duyun neha-adan ni lana. Wada hu pitun kengkeh di nanlinikweh nunman ni mahukung ni duyu e nei-peng hu pitu mewan ni neidengdeng ni neha-adan ni mitsah.

Amos 7:8

Kantun hi-gak ey “Hipa eya muka ang-ang-anga e Amos?” Kangkuy “Pelsik.” Ey kantuy “Huyya ussalek ni mengippeang-ang idan tutu-uk e ida kamei-ellig di netuping ni luhud ni eleg mampetek. Eleggak law mantuttuyyun mengastigun hi-gada.

1 Samuel 9:9

Kan Saul ey “Kayyaggud huttan ni ninemnem mun pehding ta.” Et lumaw idad nambebleyan etan ni prophet Apu Dios. Ida kamenyed etan di bebley ey wadadda hinipngat dan bibi-in nalpud bebley ni an man-ehhul et kandan hi-gaday “Kaw wadadman etan tuun maebig?” (Ya daka pangngeddan ni prophet Apu Dios ni numman ey maebig. Et hedin wada pinhed idan tuun ibbagan Apu Dios ey kanday “Tayu ang-angen etan maebig et hi-gatu pengibegaan tayu.”)

Sekariah 5:2

Kan etan ni anghel ni hi-gak ey “Hipa muka ang-ang-anga?” Kangkuy “Wada kamantayyatayyab ni neludun ni papil ni telumpulun piyeh kadinukkey tu niya hampulu et liman piyeh kalinakkeb tu.”

Jeremiah 24:4

Kan Apu Dios ni hi-gak ey

Jeremiah 29:17

Kan Apu Dios e Kabaelan tun emin ey “Peellik hu gubat, ya bisil niya degeh ni hi-gada et mambalin idan heni nabwel ni fig ni eleg law mabalin ni mekkan.