Jeremiah 22:14 - Keley-i Bible (Antipolo Ifugao)

¹⁴ Kantuy ‘Behwaten ku et-eteng ni baley ku e etta-teng ida kuwaltuh tu ey dakel habhabyen tu ey sedar hu mekapyan lekbi tu niya mepintolan ni madlang.’”

Jeremiah 22:14 Referans Kwoze

2 Samuel 7:2

Entanni ey hakey ni aggew ni kapan-ung-ungbalid David nan hi Nathan e prophet ey kan David ey “Ma-nun hi-gak tep nakka manha-ad di nehammad ni baley ni nekapyan keyew ni sedar ey immen hu Kaban Apu Dios di neatepan ni tuldah.”

Haggai 1:4

“Kele nangkehammad hu baballey yu e tutu-uk ey hedin ya Tempol ku, man nanengtun nebahbah tep eleg yu iyayyaggud?

Malachi 1:4

Hedin kan idan iEdom e helag Esau ey “Anin ni nangkebahbah hu bebley mi et iyayyaggud mi.” Nem hummangen nan Apu Dios e Kabaelan tun emin et kantuy “Anin ni iyayyaggud da et bahbahek ali damengu. Mandingngel ali bebley dan ‘Bebley ni Liwat’ niya mengeddanan ali nampambebley diman ni ‘Tutu-un Kaibubbunget Apu Dios ni ingganah!’

Daniel 4:30

“Anakkayyang hu kakinayyaggud eyan bebley di Babilon! Hi-gak hu nemehwat nunyan kayyaggud ni peteg ni bebley tep et-eteng kabaelan ku et keang-angan ni dayaw ku niya kinapatul ku.”

Isaiah 9:9

Emin ida ey inamta da huyya, anin idan nambebley di Samaria, nem manghay ida niya ida kamampahhiya e kanday

Song of Songs 1:17

ey yad elungngan eyan mabulung ni keyew ni sedar niya fir hu panhidduman ta.

Proverbs 24:27

Ya memengngulun pehding mu ey ang-ang mu et wada pengal-an mun kennen henin payew ni ge-udam ey han ka nengapyan baley mu.

Proverbs 17:19

Ya etan tuun pinpinhed tun mambehhul ey pinpinhed tu mewan ni mekibbekkal. Ey ya tuun kamampahhiya ey kaumhamahamak ni umhulun ni kebahbahan tu.

2 Chronicles 3:5

Ya etan keet-eteng an ni kuwaltuh ey nedingding ni sedar niya netakapan ni nemahmah ni balituk e wada al-alkus tun kei-ingngeh ni keyew ni palmah niya kei-ingngeh ni kadenah.

Ezekiel 23:14

Nem hedin hi Oholibah man nema-ma-ma hu kalwah ni impahding tu nem hi Oholah e agitu. Inang-ang tu hu latlatuh idan kayyaggud ang-ang dan lalakkid Babilon ni mangkadlang balwasi da niya wada neiewakeh di gitang da niya andukkey penget da, ey pininhed tudda tep ya ang-ang da niya tep henidda ap-apun sindalun nantakkay di kebayyu.

Amos 6:8

Hi Apu Dios e Eta-gey ni peteg niya Kabaelan tun emin ey insapatah tud annel tun kantuy “Anggebe-hel kudda hu tutu-uk ni helag Israel ni kamampahhiya, anin idan etta-teng niya kakkayyaggud ni baballey da. Et humman hu, pebeltan kullin buhul da hu bebley da niyaddan emin hu hipan wadadman.”