Jeremiah 17:21 - Keley-i Bible (Antipolo Ifugao)

²¹ Dengel yu eya e-helek et tumegu kayu! Isiked yun manggettang di eheb ni Jerusalem ni aggew ni Sabaduh.

Jeremiah 17:21 Referans Kwoze

Deuteronomy 11:16

Nem ang-ang yu et eleg kayu maheul ni mengiwwalleng nan Apu Dios et ya edum ni dios hu daydayawen yu.

Deuteronomy 4:23

Ang-ang yu et eleg kayu mengapyan i-ingngeh ni anin hipan deyyawen yu ma-lat eleg yu ipngil hu nehammad ni nekitbalan yun Apu Dios e Dios yu. Tep eleg pinhed Apu Dios e Dios yun pehding yu humman.

Deuteronomy 4:15

Eleg yu ang-angen ni hedin hipa ang-ang Apu Dios eman ni inhelan tun hi-gayud Duntug e Sinai e nalpud apuy ehel tu. Et humman hu, helipat-i yu

Deuteronomy 4:9

Nem ang-ang yu et eleg yu liwwanen ida etan inenang-ang yun impahpahding Apu Dios ni panyaggudan yu. Ey mahapul mewan ni eleg yu liwwana eyan ketaggu yu, ma-lat ituttuddu yuddan u-ungnga yu niya inap-apu yudda humman.

Luke 8:18

Et humman hu, pakadngel yu eya kayyaggud ni tugun ku et u-unnuden yu, tep e-helen kun hi-gayu e ya etan tuun kamengu-unnud ni tugun ku ey me-duman hu inamta tu. Nem ya etan tuun wada ekket ni inamta tu, nem eleg tu u-unnuda ey meendi humman ni ekket ni inamta tu.”

Mark 4:24

Kantu mewan ni hi-gaday “Pekadngel yu hu nakka ituttuddun hi-gayu et u-unnuden yu. Hedin pehding yu huyya, man me-duman hu inamta yu.

Proverbs 4:23

Ya makahhapul ni peteg ey ang-ang mu ma-lat endi hu hipan lawah ni an um-alid nemnem mu. Tep ya elaw ni kapambiyag ey kameipuun di kapannemnem.

Joshua 23:11

Et humman hu, peka-ang-ang yu et pannananeng yu impeminhed yun Apu Dios e Dios tayu.

Acts 20:28

Hi-gayu hu pinutuk ni Ispirituh Apu Dios ni mengippaptek idan kamengullug Jesus, et humman hu helipat-i yu annel yu ey baddangi yuddan emin hu edum tayun kamengullug ma-lat ihammad da daka pengullug, tep hi-gatsu gaputun an neteyyan Jesus e U-ungngan Apu Dios.

Isaiah 56:2

Bendisyonak hu tuun eleg mengippahding ni lawah niya kamengu-unnud ni elaw ni Sabbath e hi-gak ni ebuh hu pengi-eng-engan tun nunman ni aggew.”

Isaiah 58:13

Kan mewan Apu Dios ey “Hedin pinhed yun meihhammad hu pekiddagyuman yun hi-gak, ey u-unnud yu etan tugun ni meippanggep ni Sabaduh et beken ni ya pan-am-amlengan yu hu pehebballi yun pehding. Ya pinhed kun ippahding yu, henin nakka pehding, ey ibilang yun importanteh humman ni aggew nem yadda etan edum. Et humman hu, lispituh yu humman ni aggew ma-lat beken ni ya legelegem hu yu enab-abigen, niya beken ni ya ngunu yu, niyadda etan edum ni pinhed yu hu ippahding yu. Hedin hanniman hu pehding yu, man nannana-ud ni bendisyonan dakeyun hi-gak et pambalin dakeyun metbal di kebebbebley, niya pebeltan kun hi-gayu etan puyek ni indawat kun eman ni ammed yu e hi Jacob. Hi-gak ni Ap-Apu hu nanghel ni nunya.”

Exodus 20:8

U-unnud yu elaw ni Sabaduh ni kamengillin ni aggew ma-lat ipahding yudda lebbeng tun meipahding.