Jeremiah 16:7 - Keley-i Bible (Antipolo Ifugao)

⁷ Endilli mengillaw ni kennen ni pengelubyag tun edum tun wada netey di pamilyah tu. Ey endilli mengippeang-ang ni hemek tuddan etan ni netey ineda winu ameda.

Jeremiah 16:7 Referans Kwoze

Hosea 9:4

Yadman alin bebley ni panhimbutan yu ey eleg mabalin ni kayu man-appit ni meinnum winu kennen nan Apu Dios. Tep hedin yadda kennen diman ey ippephel ni egeh ni ebuh. Tep hedin i-appit yudda humman ey eleg tu tetbalad Tempol tu. Et humman hu, ya etan tuun mengngan niya man-appit idan nunman ey meibbillang ni beken ni malinih di hinangngab nan Apu Dios, tep humman ni kennen ey henin daka immangdad hedin wada netey.

Ezekiel 24:17

Anin ni umlelemyung ka, nem entan tu peang-ang. Entan nangih mud kulung tu ey entan tu ekal penget mu ey patut mun pengippeang-angam e kakaumlelemyung. Entan mewan tu hanii angah mu ey entan tu ekan hu i-aliddan gagayyum mun kennen ni nebalu.”

Deuteronomy 26:14

Ey eggak kuman idan nunman ni tsimpuh ni nakka umlelemyung, ey eggak kakkappaen idan tsimpuh ni nakka meibbillang ni beken ni malinih, ey eggak i-appit idad netey. Inu-unnud daka e Apu Dios e Dios ku et ipahding kun emin hu intugun mun pehding ku.

Job 42:11

Entanni ey immalidda law aaggin Job niyadda gagayyum tu et manhahamul idad baley tu. Impeang-ang da law hemek dan hi-gatu ey ina-alluk da ma-lat liwwanen tudda nemahhig ni hinelheltap tun impaelin Apu Dios ni hi-gatu. Emin ida ey indawtan da hi Job ni pihhuh niya singsing ni balituk.

Ecclesiastes 4:1

Inenang-ang ku mewan e emin di kebebbebley eyad ta-pew ni puyek ey wadadda hu tutu-un kapanligligat ni edum da. Ida kaumnanginangih nem endi kamenga-alluk ni hi-gada. Ya man anhan etan kamengippeligligat ni hi-gada ey et-eteng kabaelan da.

Jeremiah 22:10

Hi-gayun iJudah, entan tu nannangngihi etan netey ni patul yu e hi Josiah. Ya nengngihan yun peteg ey hi Joahas e u-ungnga tun daka pan-illaw di edum ni bebley et eleg tulli law ang-anga eya bebley ni neiungngaan tu tep eleg ali law mambangngad.

Lamentations 1:9

Kamei-ellig e linugit tu annel tun impenahding tun lawah e eleg tu nemnemnemen hu kastigun heltapen tu. Nemahhig impahding ni buhul tu ey endi kaumbaddang ni hi-gatu. Inapput ni buhul tu et kamampehemmehemmek nan Apu Dios ma-lat baddangan tu.