Jeremiah 15:7 - Keley-i Bible (Antipolo Ifugao)

⁷ Heni dakeyu tel-apen idad eheb eyan bebley. Em, bahbahen dakeyun tutu-uk ey petteyek ida u-ungnga yu tep eleg yu baliwan hu lawah ni elaw yu.

Jeremiah 15:7 Referans Kwoze

Matthew 3:12

Yallin ellian tu ey ennappilen tu hu tutu-u, heni etan ni tuun kamenel-ap e tel-apan tu begah et ikulbung tu. Nem ibbeng tu hu degi et magiheb di apuy ni eleg me-me-dep.”

Jeremiah 51:2

Em, peellik idalli tutu-ud edum ni bebley ni memahbah ni Babilon, henin kapengityabin dibdib ni degi niya dagemi. Mambinbina-hil idalli mengubbat ni Babilon et endin hekey matdaan diman.

Jeremiah 5:3

Kangkuy “Apu Dios, inamtak e muka hemmahemmaka hu makulug ni kamengu-unnud ni hi-gam nem endi. Kinastigum ida ma-lat iyayyaggud da elaw da, nem eleg da issiked ni manliwwat. Ey eleg ida mantuttuyyun liwat da.”

Isaiah 41:16

Tel-apen yuddalli et pan-ityab idan dibdib et pan-iwehit idan pewek. Et man-am-amleng kayu tep ya nengulugan yun hi-gak e hi Apu Dios. Ey deyyawen yuwak ali e Kayyaggud ni peteg ni Dios ni Israel.

Isaiah 9:13

Tep yadda iIsrael ey eleg ida mambangngad nan Apu Dios e Kabaelan tun emin ma-lat dayawen da. Anin ni kinastigu tudda et nanengtun eleg ida mengu-unnud ni hi-gatu.

Jeremiah 18:21

Nem yan nunya law ey iddasal ku e hamban ew mettey ida u-ungnga dan upada. Ey paelim hu degeh et mangkatey ida nangkea-amma ey papetey mud gubat hu kakat-agun u-ungnga da. Et yadda bii ey meendi u-ungnga da niya mebelludda.

Psalms 1:4

Nem beken ni hanniman hu meippahding idan tuun lawah daka pehding, tep heniddalli ngu degin metel-ap et ihuyaw ni dibdib.

Sekariah 1:4

Entan tu iu-unnud ida lan aammed yu e manghay ida. Inhelan eman ida lan prophet e issiked dan manliwwat et mambangngad idan mengu-unnud ni hi-gak, nem eleg da hanguden ni dedngelen hu inhel da et mekastigu ida.

Ezekiel 24:25

Kan mewan Apu Dios ni hi-gak ey “Yan nunman alin pemahbahan kun Tempol idan helag Israel ni daka ippahhiyan daka pan-amlengi niya daka pandinnelin keihhikkugan da ey ellan kuddalli u-ungnga dadda.

Deuteronomy 28:41

Ma-nut wadadda u-ungnga yun lalakki ey bibi-i, nem meendiddan hi-gayu tep ellan ni buhul yudda et mambalin idan balud di edum ni bebley.

Ezekiel 24:21

ni e-helen kun hi-gayun helag Israel: kantuy ‘Hi-gak e hi Apu Dios e Eta-gey ni peteg ey nandaddannak ni memahbah ni Tempol ni yuka ippahhiya niya yuka ididdinnel ni keihhikkugan yu. Niya mangkettey idad gubat hu u-ungnga yun wadad Jerusalem.

Jeremiah 9:21

Tep kamei-ellig ni himmegep hu katey e indalan tud habhabyen ni baballey tayu anin idad baballey idan aap-apu tayu et mangkatey ida u-ungnga niyadda kakat-agu et endi law kameang-ang ni hi-gadad keltad anin yaddad mulkaduh.

Deuteronomy 28:32

Ey mambalin ida u-ungnga yun lalakki niya bibi-in himbut ni tutu-ud edum ni bebley, nem endi kabaelan yun umbaddang ni hi-gada. Et humman hu, kewa-wa-wa ey meaatu mateyun ebuh ni mengi-aang-ang di dalan, et ilah tu ey ihhawang da, nem endiddan kaum-anemut.

Deuteronomy 28:18

ekket u-ungnga yu, metawwey papayyew yu, ey eleg man-impah animal yu henin baka niya kalneroh.

Ezekiel 36:12

Ibbangngad tutu-uk et mambebley kayu eyad bebley yu. Hi-gayu mengippuyyek eyan puyek yu niya eleg idalli law meu-upa hu u-ungnga yu ey inap-apu yu.’

Isaiah 9:12

Yadda iSyria di appit ni kasimmilin aggew niyadda iPilistia di appit ni kakelinnugin aggew, ey heni sinekang da bungut dan mengekmun idan nunman ni iIsrael. Nem anin ni hanniman et nanengtu pay bunget Apu Dios ni hi-gada, et humman hu, nandaddan ni mengastigun hi-gada.