Jeremiah 15:14 - Keley-i Bible (Antipolo Ifugao)

¹⁴ Ey pambalin kuddan himbut ni buhul da etan di bebley ni eleg da ang-angen lan nunman, tep nemahhig bunget kun heni apuy ni mengihheb ni hi-gada.”

Jeremiah 15:14 Referans Kwoze

Jeremiah 16:13

Et humman hu, pe-kal dakeyu eyad bebley et palaw dakeyu etan di bebley ni eleg yu ang-angen niya eleg ang-angen ida lan aammed yu. Et dayawen yu edum ni dios di diman ni bebley ni kahilehileng niyan kewa-wa-wa. Eleg dakeyu hehmekan hi-gak.’”

Deuteronomy 32:22

Kamei-ellig hu bunget kud simmetebbel ni apuy e tuka gihheban emin hu hipa humman ingganah di dallem ni puyek anin ni ya yinudungan ni duntug.

Jeremiah 17:4

Mahapul ni hi-yanen yu hu bebley ni indawat kun hi-gayu et kayu mansilbiddan buhul yud bebley ni eleg yu denglen tep nemahhig hu bunget kun hi-gayun heni apuy ni kamantetebbel ni ingganah.”

Psalms 21:9

Ap-Apu, yan pampeang-angan mulli ey nemahhig hu bunget mu. Et ya meippahding alin hi-gada ey heniddalli megihheb ni pengastiguan mun hi-gada.

Deuteronomy 28:36

Pellaw dakeyullin Apu Dios di bebley ni eleg yu amta, e mekillaw ni hi-gayu patul yu, et dayawen yudman ida dios ni nekapyad keyew ey batu.

Deuteronomy 28:64

ey iwwahit dakeyun Apu Dios di kebebbebley anin ni attu eyad puyek. Et deyyawen yu law diman ida beken ni makulug ni dios e nekapyad keyew ey batu anin ni endiddan aammed yu an nandayaw ni henin nunman.

Hebrews 12:29

Tep nemahhig hu kapengastigun Apu Dios idan eleg mengu-unnud ni hi-gatu, tep hi Apu Dios ey heni apuy e kaumgiheb.

Amos 5:27

Et humman hu, kastiguen dakeyu et palaw dakeyud edum ni bebley e melebbahan hu Damascus di appit ni kasimmilin aggew. Hi-gak e Ap-Apu e Kabaelan tun emin hu nanghel idan nunya.”

Jeremiah 52:27

et papetey idan patul diman. Humman hu neipahding e neilaw ida iJudah di edum ni bebley.

Jeremiah 15:4

Gapuh idan impahding etan ni u-ungngan Hesekiah di Jerusalem e hi Manasseh e patul di Judah ey nemahhig hu pengastiguk idan tutu-uk e pambalin kuddalin anggebe-hel ni tutu-ud kebebbebley eyad puyek.

Jeremiah 14:18

Limmawwak di a-allaw ni bebley ey inang-ang ku hu kawehiwehit ni annel ni nangketey di gubat. Limmawwak mewan di endi bebley ey inang-ang ku hu tutu-un nangketey ni upa da. Ey yadda padi niyadda prophet ey ma-nut nanengtun daka pehding ngunu da nem eleg da amta daka pehpehding.”

Jeremiah 4:4

Isiked yun mengippahding ni lawah et hi-gak, e Apu yu, hu peka-u-unnuden yu. Hedin eleg yu pehding huyya ey nemahhig ali bunget ku e heni kamantetebbel ni apuy e eleg me-dep tep yadda lawah ni yuka pehpehding.

Isaiah 42:25

Et humman hu, impagibek tu hu nemahhig ni bunget tun hi-gayu et kastiguen dakeyud gubat. Heni dakeyu intungud apuy et magiheb kayu, nem eleg yu awatan niya eleg kayu masileg.

Deuteronomy 29:23

Mambalin alin sulfur ey ahin eya bebley et endi an umtemel ni anin hipan kameitnem, anin ni hakey ni helek et mambalin ni henin Sodom, ya Gomorrah ya Admah et ya Seboiim e binahbah Apu Dios gapuh ni bunget tu.

Deuteronomy 28:25

Ey peapput dakeyun Apu Dios di buhul yu. Ma-nut iddalan yud hakey ni dalan ni an mengubbat ni buhul yu nem gapuh ni takut yu, ey um-ehyak kayu et endi petekkan tu lawwan yu. Ey nemahhig ali takut idan tutu-ud kebebbebley ni penang-angan dan nunman ni meippahding ni hi-gayu.