Jeremiah 13:14 - Keley-i Bible (Antipolo Ifugao)

¹⁴ Petteyen kuddalli nangkea-amma, ya nangkei-inna, niya kaungaunga e mei-ellig idad pa-nay ni pansisikmalen ku et mangkaphik ida. Eggak idalli hehmekan pemetteyan kun hi-gada.’”

Jeremiah 13:14 Referans Kwoze

Deuteronomy 29:20

Eleg mabalin ni pessinsahan Apu Dios hu henin nunman ni pehding ni hakey ni tuu. Tep ya etan nemahhig ni bunget tu etan ni tuu, ey kamei-ellig ni kamantetebbel ni apuy. Et meippahding ni hi-gatun emin ida etan idut ni neitudek eyad libluh ey e-kalen Apu Dios hu ngadan tu eyad ta-pew ni puyek.

Psalms 2:9

Et-eteng ali kabaelan mun man-ap-apun hi-gada niya nelakah pemahbahan mun hi-gada henin kapemhikin bangan nekapyad pula.’”

Jeremiah 21:7

Nem hedin hi-gam e Sedekiah e patul ey anin ni kantu et meihwang ka, yadda opisyal mu niyadda edum ni tutu-u eyad gubat, yallid um-alin bisil niyad degeh ey pedpap dakeyu damengun Nebukadnessar e patul di Babilon et pateyen dakeyun emin e eleg dakeyu hehmeken.’”

Jeremiah 6:21

Et humman hu, yalli pehding kuddan nunyan tutu-u ey mei-ellig ni mangkeihhungbub ida. Mettey idallin emin, yadda aammed, yadda u-ungnga da, yadda gagayyum da niyadda sinakdul da.”

Isaiah 27:11

Mema-ganan idalli pangan keyew et ma-gah ida et pan-amungen idan bibi-i ma-lat itungu da. Humman kastiguddan bimmebley diman, tep endi nemnem dan inwalleng da hi Apu Dios, et mukun hi-gatu e nanletun hi-gada ey eleg tudda law hehmeka.

Mark 13:12

Yalli agi ey hi-gatu mengippepettey ni agi tu, ya a-ammed ey hi-gatu mengippepettey ni u-ungnga tu. Et yadda u-ungnga ey pepettey da a-ammed da.

Matthew 10:21

Mampapatey idalli tutu-u. Anin idallin han-aaggi et ya han-aamma et mampapatey ida. Pepettey ni u-ungnga tu hu a-ammed tu niya pepettey ni a-ammed tu hu u-ungnga tu.

Ezekiel 24:14

Nedatngan law hu tsimpuh ni pengastiguan dakeyu. Eggak pelebbah nanliwtan yu ey eleg dakeyu hehmeka. Mekastigu kayu tep ya impahpahding yu. Hi-gak e Ap-Apu e Eta-gey ni peteg hu nanghel idan nunya.”

Ezekiel 9:10

Et mukun eggak ida hehmeka. Mahapul ni kastiguen kudda et heni baleh ni impenahding da.”

Ezekiel 9:5

Entanni ey dingngel ku e kan Apu Dios ida etan ni edum ni lalakki ey “Kaiunud kayun hi-gatud lawwan tud bebley et yu pampatyen ida hu tutu-udman ni eleg memalkaan tuktuk da. Entan tudda hemek.

Ezekiel 8:18

Et humman hu, kastiguen kudda tep ya bunget kun hi-gada. Eggak ida hehmeka, anin ni pehemmehemmek idan hi-gak.”

Ezekiel 7:9

Eleg dakeyu law ihhehwang niya eleg dakeyu hehmeka tep nemahhig liwat yu, et yallin nunman hu pengamtaan yu e hi-gak e Ap-Apu hu nengastigun hi-gayu.”

Ezekiel 7:4

Endi law hemek kun hi-gayu. Et humman hu, kastiguen dakeyu tep ya anggebe-hel kun impenahding yu, ma-lat pengamtaan yu e hi-gak hu Ap-Apu.’”

Jeremiah 48:12

Nem medettengan ali aggew ni pengippeellian kun tutu-un mengippeliligat ni hi-gada et mei-ellig idad meinnum ni meidduyag et pehhiken hu neihuduan da.

Jeremiah 47:3

Medngel ali besik idan kebayyu niya kudun kalesah. Panhi-yanen idallin a-ammed hu u-ungnga da tep simmakut ida ey kimmapuy ida et endi mabalin ni pehding da.

Jeremiah 16:5

Immehel mewan hi Apu Dios ey kantuy “Ya hakey ni e-helen kun hi-gam ey entan hegep mud baley ni wada netey et ka makihemul. Ey entan panlelemyung mu gapuh ni hipan netey. Eggak law bendisyoni hu tutu-uk ni linggep, ey eggak peang-ang ni hi-gada impeminhed ku niya hemek ku.

2 Chronicles 20:23

Nambaddang ida iAmmon niyadda iMoab et pateyen dan emin ida sindalun iEdom. Entannit pintey daddan emin ey hi-gada mewan nampapatey.

1 Samuel 14:16

Yadda sindalun impustuh Saul ni nangguwalyad kampu dad Gibeah e nambebleyan idan helag Benjamin ey inang-ang da e kabsik ida humman ni sindalun iPilistia.

Job 27:22

Anin ni hipa pehding dan umbebsik niya anin ni hipa pehding da ma-lat meihwang ida, et endi damengu hemek ni pewek ni hi-gada.

Jeremiah 15:5

Hipalli umlelemyung niya umnangih tep ya neipahding ni hi-gayun iJerusalem? Ey hipalli mannemnem ni mengibga meippanggep ni hi-gayu? Endi!

Lamentations 2:21

Apu Dios, gapuh ni bunget mu ey ineyagam hu buhul mid nanlinikweh e henidda mekippiyestah, et pampatyen da nangkei-inna niya nangkea-amma, anin idan u-ungnga min impenaptek min nakappinhed mi. Ey endi hemek mu et pampatyem idan emin et deh e kawehiwehit idad keltad e endi an neihwang.”

Hosea 2:4

Endi nak peang-ang ni impeminhed kun hi-gayun u-ungnga tu, tep beken dakeyun u-ungnga. U-ungnga dakeyun ineyud edum ni lakin nekiulig tu, tep endi baing tu. Kantuy “Umlawwak ida etan di lalakkin neminhed ni hi-gak et hi-gada pinhedek e beken hi ahwak. Hi-gada pengiddinnelan kun um-idwat ni kennek, ya innumek ni danum et ya meinnum, ya kayyaggud ni balwasi niya lanan olibah.”

Sekariah 11:6

Henin nunman kameippenahding idan tutu-uk, tep eleggak ida dama law hehmeka. I-abulut ku et wada hakkeyey binuhul tu dinagsi tu et mampapatey ida. Niya i-abulut ku e man-ap-apun hi-gada hu lawah nemnem tun ap-apu ma-lat pambalin da hu bebley ni eleg mebebleyi. Pemeggak ali i-ineng et eleg ida meihwang.”

Jeremiah 15:6

Inwalleng yuwak ey eleg yuwak nemnema. Et humman gaputun pemahbahan kun hi-gayu. Eleg dakeyu hehmeka tep eggak law han-isipel hu bunget ku.

Jeremiah 25:16

Et mandangidangiw ida ey metellak ali nemnem da gapuh ni gubat ni pellaw kun hi-gada.”

Ezekiel 7:3

Humman kastigu yun tutu-un nambebley diman tep ya nemahhig ni liwat yu. Nemahhig bunget ku tep lawah ni peteg impenahding yu.