James 3:5 - Keley-i Bible (Antipolo Ifugao)

⁵ Ya bungut ni tuu ey ek-eket, nem nemahhig kabaelan tu, henin emsi, e dammutun lelgaben tu hakey ni duntug.

James 3:5 Referans Kwoze

Proverbs 18:21

Hin-addum ni ya kae-helan hakey ni tuu hu kaumhulun ni ketteyyan tu winu eleg tu ketteyi. Et humman hu, hedin mahlu kan um-eheehel, ey pepuhdanim e-helem tep heltapem ali hu pambalinan ni muka e-e-hela.

Proverbs 12:18

Ya etan tuun eleg tu nemnema ni inhel tu ey makaggeh ehel tu e heni tewik ni ispadah. Nem hedin ya ehel ni nenemneman ni tuu ey kaum-elubyag.

Proverbs 15:2

Hedin yadda nenemneman hu kaman-e-ehhel, ey dakel hu eddalen. Nem hedin ya endi nemnem tu kaman-e-ehhel, man endi silbin tuka e-e-hela.

Psalms 17:10

Humman idan buhul ku ey endin hekey hemek da niya nemahhig hu daka pampahhiya.

Jude 1:16

Huyyaddan tuu ey daka ingngudungudu hi Apu Dios niya ida kamanlillih ni gahat da. Ya lawah hu pinhed da, et humman daka u-unnuda. Nemahhig daka pampahhiya e kanday kayyaggud ida. Kayyaggud daka e-helan edum dan tuu, nem ebuh hedin wada pinhed dan ellan.

Jeremiah 18:18

Entanni ey kan idan tutu-uy “Keyuy et mamplanuh itsun pehding tayun Jeremiah! Anin haggud wadadda ngu dedan hu padin mantuttuddun hi-gatsun tugun ey wadadda nelaing ni tutu-un menghel ni kayyaggud ni pehding tayu niya wadadda edum ni prophet ni mengippeamtan e-helen Apu Dios. Iddiklamuh tayu hi Jeremiah ey issiked tayun meneddengngel ni tuka e-hela.”

Psalms 10:3

Daka ippahhiyya hu lawah ni daka amyawi ey daka tettebaladda hu neagum ni tuu niya lawah hu daka e-helan meippanggpep ni hi-gam e Apu Dios.

Ezekiel 28:2

“Hi-gam e helag ni tuu, mu ehel ni patul di Tyre eya pinhed kun peamtan hi-gatu e kammuy ‘Kan Apu Dios e Eta-gey ni peteg ey: Eta-gey hu muka pannemnem ni annel mu e kammuy dios kan hi-gam hu ap-apud Tyre e linikweh ni baybay. Nem e-helen kun hi-gam e tuu kan ebuh e endi kabaelan mu!

2 Peter 2:18

Tep nemahhig daka pampahhiyyain endi puut tu. Daka ittenuttuddu hu lawah ni pan-an-anlaan ni annel ma-lat panepang dadda etan ni pakeisiked dan mengippahding ni lawah et itu-man da mewan ni mengippahding idan nunman.

Daniel 4:30

“Anakkayyang hu kakinayyaggud eyan bebley di Babilon! Hi-gak hu nemehwat nunyan kayyaggud ni peteg ni bebley tep et-eteng kabaelan ku et keang-angan ni dayaw ku niya kinapatul ku.”

Job 22:17

Mukun hanniman meippahding ni hi-gada ey tep inwalleng da hi Apu Dios e kandan hi-gatuy ‘Ngenamung kami ngu. Kaw hipa dammutun pehding mun hi-gami?’

Exodus 15:9

Kan etan ni buhul miy ‘Pepdugen kudda et hedin hina-kup kudda, nampatey kudda et al-en kun emin hu binaknang da et panggegedwa middan tuuk.’

Daniel 3:15

Mahapul ni hedin petnul dadda etan tangguyup, ya tullaling, ya ingngiing, ya ekbiw, ya gitalah niyadda etan edum ni kapetnul ey manyu-ung kayun menaydayaw etan ni tuttu-u ma-lat kayyaggud meippahding ni hi-gayu. Nem hedin kahing kayu, man dakeyu bebkahen etan di kaumhihinyab ni apuy. Et makkaw et wada hu edum ni dios ni an mengihwang ni hi-gayu?”

Ezekiel 29:3

Ehel mu e hi-gak e Ap-Apu e Eta-gey ni peteg ey kangkuy ‘Hi-gam e patul di Egypt ni heni buhayyan kamanluklukbub di Wangwang e Nile ey e-helen ku e hi-gak hu buhul mu.’ Kammu ni-nganguy ‘Wangwang ku hu Nile tep hi-gak hu nengapya!’

Exodus 5:2

Nem kan etan ni patul ey “Hipa ngu anhan humman ni kanyun Ap-Apu yu? Kele nak u-unnuden ey eggak amta humman ni Ap-Apu? Eleg mabalin ni kayu umlaw e helag Israel!”

Psalms 39:1

Kangkud annel kuy “Hellipat-an ku et eggak maihelaut ni mengippahding ni lawah niya ma-lat endi nak e-helen ni pambehhulan ku. Ey hellipat-an ku ma-lat anin ni pekdag ku eneeneng hedin wadadda lawah ni tuu.”

Proverbs 26:20

Hedin nangpuh etan neitungu, man kame-dep hu apuy. Hanniman dama e mesikked pantutututan hedin endidda umtenumbuk.

James 3:4

Ya pay hu hakey ni kakei-elligin bungut ey ya etan ek-eket ni gumek di gepgep ni bapor e anin et-eteng etan bapor niya anin na-let hu dibdib et dammutun bengngiwen etan ni kamampellinu et palaw tud pinhed tun pengippelawwan.