James 2:25 - Keley-i Bible (Antipolo Ifugao)

²⁵ Hanniman dama hi Rahab e impeang-ang tun wada tuka pengullug di impahding tu. Yan nunman ey tuka pebeyyad hu annel tun laki, nem imbilang Apu Dios ni kayyaggud tep ya impahding tu e intalu tudda etan tuun Apu Dios et itudu tu hu dillan dan binsikan da et eleg ida madpap.

James 2:25 Referans Kwoze

Hebrews 11:31

Ya kapengullug nan Rahab, e hakey ni biidman ni tuka pebeyyad hu annel tud laki, hu gaputun eleg da pameteyan ni hi-gatu. Emin ida hu tuudman ey eleg ida mengu-unnud nan Apu Dios et pateyen idan Jews, nem eleg da pakipetey hi Rahab, tep yan eman ni illian idan dewwan Jews ni an mansi-im idan kebebleyan tu, ey inaygan tuddad baley tu et baddangan tuddan nambangngadan da.

Joshua 2:15

Ya baley Rahab ey neidummit di tuping ni luhud ni bebley et layagen tu linubid di habhabyen di ba-hil ni kadkad et pandalanan idan etan ni an nansiim.

Joshua 2:4

Kan Rahab ni hi-gaday “Em, wadadda immalidya, nem eggak amta nalpuan da. Limmaw idan nuntan ni kamangkehilleng et han mailekbi hu eheb ni bebley. Eggak amta impelawwan da, nem pedug yudda et dammutun ha-kupen yudda.” Nem ya kakulugan tu ey intalun Rahab ida kayad atep ni baley tu et hephepan tuddan dagemi.

Joshua 6:17

Mahapul ni mebahbah eya bebley anin idan emin ni wadadman, ma-lat mei-appit nan Apu Dios. Ebuh hi Rahab et yadda pamilyah tun eleg tayu petteya tep intalu tudda intu-dak kun an nansiim.

Joshua 2:1

Yan nangkampuan di Joshua di Akasia ey intu-dak tu dewwan tuun an mansi-im idan bebley di Kanaan, nema-ma-mad Jericho. Nandeyadda humman ni tuud baley Rahab e biin tuka pebeyyad annel tun lalakki.

Matthew 21:31

Kan Jesus ey “Hipan hi-gada hu nengu-unnud nan ameda?” Kan idan ap-apu ey “Ya etan pengulwan.” Et kan Jesus ni hi-gaday “E-helen kun hi-gayu e makulug ni heni kayu etan ni neihayned. Yadda lawah ni tuun henidda etan ni kaman-emmung ni buwis niyadda etan biin daka pebeyyabeyyad hu annel dad laki ey kekkeddukdul ida nem hi-gayu, tep nelakah idan umlaw di kad-an nan Apu Dios nem hi-gayu.

Matthew 1:5

Inahwan Salmon hi Rahab et wada hi Boaz. Inahwan Boaz hi Ruth et wada hi Obed. Hi Obed hu aman Jesse.

James 2:22

Huyyan impahding Abraham hu keang-angan tun ya kayyaggud ni kaippahding hu kakeang-angin kapengullug. Et humman hu, ya nengu-unnudan tun inhel Apu Dios hu nengipehammad ni tuka pengullug.

James 2:18

Nem wadan penghel ni edum ni tuu mewan ey “Yadda edum ey daka ilillingisi pengullugan dan Apu Dios. Nem yadda edum ey pinhed dan umbaddang ni edum dan tuu.” Nem e-helen kun hi-gayu e kulang hedin ya kapengullug ni ebuh hu wadan hi-gayu, tep inna-nun keamtaan tun kayu kamengullug hedin endi yu ippahding ni keang-angan ni yuka pengullug? Et mukun hedin hi-gak ngu, man nakka baddangidda edum kun tuu ma-lat keang-angan tu e nakka mengullug nan Apu Dios.

Joshua 2:16

Kantun hi-gaday “Pampalaw kayud duntuduntug et mantalu kayudman ni tellun aggew et pandammuan tun keibbangngadan ida etan ni tutu-un an menemmak ni hi-gayu ey han kayu neukat et manglaw kayu.”

Acts 17:7

et aygan idan Jason di baley da. Emin ida ey daka kehhinga hu olden nan Cesar tep kanday wada hu keta-ta-geyyan ni ap-apu e hi Jesus kunu ngadan tu.”

James 2:24

Et humman hu, kameewwasi e ya kapengibbillangin Apu Dios ni kayyaggud hu hakey ni tuu ey beken ni ya kapengullug ni ebuh, nem mahapul ni u-unnuden tu dama hu pinhed Apu Dios.