James 2:2 - Keley-i Bible (Antipolo Ifugao)

^2-3 Henid yuka keemmuemmungid yuka penaydayawin Apu Dios e hedin kedangyan etan tuun immali e kayyaggud balwasi tu niya nanhubeng, ey ma-nun hi-gatu, tep yu peyuddung di kakkayyaggud ni yuddungngan et diman etan newetwet ni nebi-bi-ki balwasi tu et man-eh-ehneng winu yu peyuddung di det-al.

James 2:2 Referans Kwoze

Luke 15:22

Nem kan ametuddan bega-en tuy ‘Papuut yu et yu alen hu kekakayyaggudan ni balwasi et pebalwasi yu eyan u-ungngak. Iha-ad yu singsing di kimeng tu niya patut di heli tu.

Esther 8:2

Inukhup nan patul hu singsing di ngamay tu et idwat tun Mordekai e humman daka ussalan pandippel ni tudek ni nalpun patul. Humman etan singsing ni indawat nan patul nan Haman nem binangngad tu. Impambalin nan Esther hi Mordekai ni mampaptek ni puyek Haman niyadda edum ni kukuwah tu.

Esther 3:10

Inebulut nan patul humman ni inhel Haman et ukhupen tu singsing di ngamay tu e humman hu tuka pandippel ni olden tu et idwat tun Haman e u-ungngan Hammedatha e helag Agag e buhul emin ni Jew.

Genesis 27:15

Inlan inetu hu kekakkayyaggudan ni intatalu tun balwasin Esau et pebalwasi tun Jacob.

Isaiah 64:6

Emin kami ey nekalliwtan kami. Anin idan kammin kayyaggud ni mika pehding et lawah ida. Et umhulun hu liwat mi ey heni kami bulung ni nakpit ni intayab ni dibdib.

Luke 23:11

Entanni ey anin damad Herod et yadda sindalu tu ey daka heghegnuda niya daka pippihula. Impambalwasi da balwasin ap-apu et pebangngad dad kad-an Pilate.