Isaiah 64:5 - Keley-i Bible (Antipolo Ifugao)

⁵ Makabbaddang kaddan tuun kayyaggud daka pehding niya kamengu-unnud ni pinhed mu. Nem hedin hi-gami ey naneng tun kami kamanliwwaliwwat ni hi-gam neipalpu lan nebayag, et humman hu, nemahhig hu bunget mun hi-gami. Et mukun hipa makkaw inna-nu min meihwang?

Isaiah 64:5 Referans Kwoze

Hebrews 4:16

Et humman hu, kadinel itsun mandasal nan hi Apu Dios di kabunyan e kabbabbal ni peteg. Tep nanna-ud ni hehmeken daitsu niya baddangan daitsud tsimpuh ni kahapulan tayu hu baddang.

Acts 10:35

tep anin attu nalpuan ni hakey ni tuun tuka daydayawa hi Apu Dios niya kayyaggud hu tuka pehding ey kaebbulutan Apu Dios.

Malachi 3:6

Hi-gak e Ap-Apu ey eleggak hulluli nemnem ku. Et humman hu, eleg dakeyu endian emin e helag Jacob, anin ni lebbengtun makabbahbah kayu.

Hosea 11:8

Inna-nu makkaw ni dakeyu pengiwwallengan e tutu-uk ni helag Israel? Kaw dammutun bahbahen dakeyun henin nemahbahak ni Admah winu nak pehding ni hi-gayu hu henin impahding kun Seboim? Eggak han-ipahding humman ni hi-gayu, tep nakappinhed dakeyun peteg.

Isaiah 63:10

Nem nginhay da et lumelemyung hu Ispirituh tu. Et mambalin ni buhul da hi Apu Dios et panhelheltap tudda law.

Psalms 112:1

Daydayaw tayu hi Apu Dios! Kaman-am-amleng hu tuun tuka paka-u-unnuda hi Apu Dios. Em, kaman-am-amleng humman ni tuun mahlun mengu-unnud ni tugun tu.

Psalms 103:17

Nem mannananeng ni ingganah hu impeminhed Apu Dios idan tutu-u tun kamengu-unnud ni hi-gatu niyadda etan eleg da ippangil hu nekitbalan tun hi-gada niyadda etan daka pannananeng ni mengu-unnud ni tugun tu. Anin idan helag da et mannananeng dama hu kakinayyaggud tun hi-gada.

Psalms 37:4

Pan-am-amleng kayu tep kabbabbal hi Apu Dios, et iddawat tu hu yuka nenemneman mahapul yu.

Psalms 25:10

Apu Dios, eleg melumman hu impeminhed mu niya nemahhig hu binabbal muddan tuun kamengu-unnud ni nekitbalam ni hi-gada ey daka u-unnuda tugun mu.

Exodus 30:6

Iha-ad mudda huyyad ba-hil ni kuwaltuh ni keihha-adan etan ni Kaban ni neiha-adan idan neitudekan ni Tugun ku.

Exodus 25:22

Um-ali-ak alid ta-pew ni hu-keb di nambattanan idan etan ni dewwan anghel et idwat kun emin ni hi-gam ida tugun kun u-unnuden yun emin ni helag Israel.”

Exodus 20:24

Ala kayun puyek et mengapya kayun pan-appitan yun hi-gak, et yadman pan-appitan yun baka niya kalneroh ni gihheben yun i-appit yun hi-gak et yadda edum ni i-appit yu. Emin hu ittuduk ni pandeyyawan yun hi-gak ey wada-ak diman ni memendisyon ni hi-gayu.

Hosea 6:3

Et humman hu, mahapul ni pehding tayu kabaelan tayun mengamtan hi-gatun ustuh. Et nanna-ud ni um-alin memaddang ni hi-gatsu, henin aggew e umsimil ngu dedan ni kakkabbuhhan niya henin udan e me-gah ngu dedan et danuman tu puyek hedin nedateng hu mainudan.”

Isaiah 12:1

Yan nunman alin aggew ey ia-appeh idallin tutu-u e kanday “Daydayawen daka e Apu Dios! Bimmunget kan hi-gak ni nunman et kastiguen muwak, nem inelubyag muwak nunya tep endi law bunget mu.

Isaiah 26:13

Apu Dios e Dios mi, wadadda edum ni nan-ap-apun hi-gami, nem hi-gam ni ebuh deyyawen mi e Apu.

Isaiah 63:7

E-ehhelen ku hu elaw ni impeminhed Apu Dios ni eleg melumman niya daydayawen ku tep ya impahding tun panyaggudan tayu. Em, dakel hu kayyaggud ni impahding tuddan helag Israel tep ya hemek tu niya et-eteng ni impeminhed tun eleg melumman.

Daniel 9:5

Nem nanliwat kami tep lawah impenahding mi. Nginhay daka e eleg mi u-unnuden ida etan intugun mun neiptek ni pehding.

Isaiah 1:30

Mei-ellig kayullid keyew ni kamangkekpit bulung tu, niya mei-ellig kayullid neitnem ni eleg medennumi.

Isaiah 27:8

Hedin ya nengastigu tuddan tutu-u tu ey impalaw tuddad edum ni bebley e henidda intayab ni na-let ni dibdib ni nalpud appit ni kasimmilin aggew.

Sekariah 3:3

Nelullugit balwasin Joshua ni inehnengan tud hinangga etan ni anghel.