Isaiah 59:5 - Keley-i Bible (Antipolo Ifugao)

^5-6 Humman idan planuh da ey lawah tep henin itlug ni uleg ni negitaan e hedin na-pah, man na-duman hu negitaan ni uleg. Inamtan tutu-u e mettey ida hedin kennen da humman ni itlug. Yadda planuh da ey heni balwasin nekapyad baley ni kakkawwa e endi silbitu. Huyyaddan tutu-u ey daka pehpehding hu lawah ni kapanhelheltapin edum dan tutu-u.

Isaiah 59:5 Referans Kwoze

Matthew 3:7

Immalidda dama dakel ni Pharisee et yadda Sadducee ni an pebenyag ni hi-gatu. Nem yan nenang-angan idan John, ey kantun hi-gaday “Lawah kayun tutu-u e heni kayu tu-wangu uleg! Kaw kanyu nem hedin pebenyag kayu, man eleg dakeyulli kastiguan Apu Dios?

Matthew 12:34

Kan Jesus mewan ni hi-gaday “Lawah kayu tu-wangun peteg! Ebuh hu lawah ni wadad nemnem yu, et humman gaputun endi kayyaggud ni yuka e-hela. Tep ya wadad nemnem ni tuu ey kameamtad tuka e-hela.

Isaiah 14:29

Kan Apu Dios ey “Hi-gayun iPilistia, ey entan pan-am-amleng yun neteyyan ni patul ni nampehelheltap ni hi-gayu. Tep ya etan u-ungnga tun meihhullul ey nehalhalman nem hi-gatu. Ya pinhed tun e-helen huyya ey hedin netey hu hakey ni uleg ni negitaan ey mewedda impah tun meihhullul ni nehalhalman nem ya inetu. Humman ni impah tu ey henilli dragon ni memahbah ni hi-gayu.

Proverbs 23:32

Tep hedin imminum ita et nebuteng ita, ey hin-appil kapanggibbek ni kewa-waan tu ey heni daita killat ni uleg.

Job 8:14

Ida kamandinnel di hipan kabbabahbah e henin tawang ni kakkawwa.

Isaiah 34:15

Mengapyaddali akup ni buya dadman et man-itlug ida niya pe-hikan da et e-ettengen dadda impah dadman. Yadman ali dama keemmungan idan vulture e sisit ni makan ni annel ni netey. Wada hakkey idan nunyan sisit ey wada kadwa tu.