Isaiah 5:6 - Keley-i Bible (Antipolo Ifugao)

⁶ Eggak pegebbut ma-lat mebel-ah. Eggak puttuli kawit tu niya eggak hubkaya. Diman et keya-munan ni nahbitan ni helek niya mandalen ku hu kulput et eleg tu egahen hu udan.”

Isaiah 5:6 Referans Kwoze

Jeremiah 25:11

Mebahbah alin emin huyyan bebley et mambalin ni endin hekey silbitu. Et emin idalli bimmebley di Judah, anin idan bimmebley di nanlinikweh ey mansilbiddallin patul di Babilon ni nepitun toon.

Revelation 11:6

Eleg ali um-udan ni da pengi-i-helan etan ni impeamtan Apu Dios ni hi-gada, tep wada kabaelan dan mengippesikked ni udan niya kabaelan da daman pambalin ni kuheyaw hu danum. Ey dammutun peelli da hu hipan ligat di puyek hedin pinhed da.

Luke 21:24

Yaddalli edum ni hi-gada ey petteyen idallin tuun beken ni Jew, ey yadda edum ey ibbebsik daddallid edum ni bebley et maiwehit idad kebebbebley di puyek. Et meihhullul idalli beken ni Jew ni man-ap-apud Jerusalem ingganah alin pappeg ni aggew ni gintud Apu Dios ni pan-ap-apuan da.

Amos 4:7

Eleggak paeli udan etan ni tsimpuh ni kapeneppulin intanem yu et mebahbah ida. Impalaw ku udan di hakey ni bebley, nem eggak palaw di edum ni bebley. Et ma-nu tep nedanuman papayyew di hakey ni bebley, nem natduk payew dad edum ni bebley, et matey hu intanem da niya nakling ida helek diman.

Hosea 3:4

Ya keibbellinan tu huyya ey mebeyyag ni endilli mampatul winu man-ap-apud Israel. Niya endilli hu tempol niya padi ey endilli man-appit winu menaydayaw ni beken ni makulug ni dios.

Jeremiah 45:4

Immehel hi Apu Dios ni hi-gak et kantuy “Ehel mun Baruk e ‘Hi-gak e Dios ey nakka pelluha hu binehwat ku ey nakka gebbuta intanem ku. Hanniman ali pehding kun emin di kebebbebley eyad ta-pew ni puyek.

Jeremiah 14:22

Endi edum ni dios ni kabaelan tun mengippeellin udan. Beken ni neala ni impaelin kabunyan hu udan tep hi-gam ni ebuh hu wada kabaelan tu e Ap-Apu e Dios mi. Et humman hu, hi-gam pandinnelan mi tep hi-gam ni ebuh kabaelan tun mengippahding idan nunya.”

Jeremiah 14:1

Inhel Apu Dios ni hi-gak hu meippanggep etan ni andukkey ni ugew.

Isaiah 30:23

Peelli mewan Apu Dios hu udan et tumattaba intanem yu, et dakel illameh tun ennien yu, et anin idan bakeyu et eleg ida mekullangin kennen da, tep dakel.

Isaiah 24:12

Mebahbah ali hu bebley, anin idan eheb tu.

1 Kings 17:1

Entanniy wada hu prophet e hi Elijah ngadan tu e iTisbi di Gilead e kantun Ahab ey “Yad ngadan nan Apu Dios e Dios idan helag Israel e wadan ingganah, e kan bega-en ni hi-gak, ey e-helen kun hi-gam e endilli delnu winu udan ni dewwa winu tellun toon ingganah ni penghelak e um-udan mewan.”

Deuteronomy 29:23

Mambalin alin sulfur ey ahin eya bebley et endi an umtemel ni anin hipan kameitnem, anin ni hakey ni helek et mambalin ni henin Sodom, ya Gomorrah ya Admah et ya Seboiim e binahbah Apu Dios gapuh ni bunget tu.

1 Kings 8:35

Hedin nanliwat ida mewan ni hi-gam et kastiguen mudda e eleg mu paeli udan, nem entanni ey mantuttuyyu ida et issiked dan manliwwat, et mandasal idan hi-gam e ihhangga dad appit eyad Tempol mu,

Job 31:40

ey anin ew katteg ni ya helek niya hebit hu patmel mudman et beken ni ya wheat niya barley.” Huyya pappeg ni inhel Job.

Isaiah 7:19

et maihinap idan emin eyad bebley yu anin idad nedeklan, yaddad leyang, yaddad nangkahbitan et yaddad pattullan.

Isaiah 32:10

Ma-nun nunya tep melinggep yuka pannemnem, nem yallin balintu ey umlelemyung kayu, tep endilli bugbugen yun grapes niyadda edum ni intanem yu.

Isaiah 49:19

Nebahbah bebley yu et meiwalleng, nem yan nunyay kulang kaya mewan ni keihha-adan ni tutu-u yun kamampengennamut. Ey yadda nemahbah ni bebley yu ey meiddawiddalli law ni hi-gayu.

Isaiah 55:13

Meihhullul idalli cypress niya myrtle idad simmelan ni hebit. Huyyalli mengippenemnem ni ingganah idan impahding ku e Ap-Apu.”

Hosea 9:6

Anin ni kantu et meihwang kayud pehding ni Assyria et eleg kayu mettey, et meihhullul mewan hu Egypt ni mengapput ni hi-gayu et heni dakeyulli pan-ikkulung di Memphis. Et umtemel ali hu helek ni nahbitan di baballey yu niya mangkebahbah hu hipan nebalol ni tenged yun heniddan silber.

Joel 1:7

Binahbah da grapes yu niya kinan da belakkibak idan keyew ni fig et kameang-ang hu mablah ni annel da niyadda panga da.

Proverbs 24:31

ey nemahhig ni etata-gey hu helek niya hebit, niya neiwalleng ida tuping et mangkagday.

Lamentations 2:6

Binahbah tu hu Tempol tun kapandeyyawiddan tutu-u tun hi-gatu et heni nakabbahbah ni a-abbung. Ey impasiked tu hu kapengippahdingin helag Israel idan piyestah et ya daka pengu-unnudin elaw ni Sabaduh tep ya nemahhig ni bunget tu. Anin idan patul niyadda padi et hiniktaman da bunget tu.