Isaiah 34:11 - Keley-i Bible (Antipolo Ifugao)

¹¹ Yaddalli akup, yadda gawwang niyadda edum ni kaman-ayyam di puyek hu meihhullul ni manha-ad diman ni bebley, tep e-wayen alin Apu Dios humman ni bebley et metawwey.

Isaiah 34:11 Referans Kwoze

Lamentations 2:8

Impanna-ud dedan lan Apu Dios e pakabbahbahen tu hu luhud ni Jerusalem. Ey naka-iplanuh tu pehding tun memahbah idan tutu-u tu. Et peamnu tu et matleb ida binattun luhud niya netu-lidda eta-gey ni baley et mannaneng idan meihanniman.

2 Kings 21:13

Kastiguen ku hu Jerusalem henin impahding kun Samaria ey henin impahding kun patul ni Israel e hi Ahab et yadda helag tu. Endiek hu tutu-ud Jerusalem e kamei-ellig ni pakadda-nihak et henin duyun nakadda-nihan et meihakkub.

Sephaniah 2:14

Mambalin alin pattullan idan baka niyadda kalneroh. Mambelley idalli animal di muyung diman niya pan-e-eppaan alin akup niya gawwang ida baballey diman tep nangkebahbah dingding da.

Revelation 18:2

Simmekuk ni na-let ey kantuy “Nebahbah! Nebahbah hu bebley di Babilon. Nambalyan law ni dimonyoh niyaddan emin hu nambakbaklang ni lawah ni ispirituh. Emin ida etan sisit ni kamengngan ni beken ni malinih ey wadadman.

Isaiah 14:23

Bahbahek humman ni Babilon et pambalin kun kamelellebbeng et pambalyan idan akup niyadda edum ni sisit. Heggadak ali humman ni bebley ma-lat mahegad ni emin hu wadadman. Hi-gak e hi Apu Dios e Kabaelan tun emin hu nanghel nunya.”

2 Samuel 8:2

Entanni ey inapput tudda pay hu iMoab. Impanlukbub tud puyek ida humman ni iMoab e hantehantetludda et papetey tu dewwa ey eleg tu papetey hakey. Yadda law iMoab ey ingngunuan da hi David niya ida kamambeyyad ni buwis ni hi-gatu.

Isaiah 24:10

Nangkebahbah hu bebley ey nampanlekbidda tutu-ud baballey da.

Psalms 102:6

Heni-ak hu akup ni pimmuttag di desert. Ey heni-ak ni akup ni kamammu-mu-huk di baew.

Isaiah 34:17

Hi Apu Dios hu mengihha-ad ni hi-gadadman et yadman panha-adan dan ingganah.

Amos 7:8

Kantun hi-gak ey “Hipa eya muka ang-ang-anga e Amos?” Kangkuy “Pelsik.” Ey kantuy “Huyya ussalek ni mengippeang-ang idan tutu-uk e ida kamei-ellig di netuping ni luhud ni eleg mampetek. Eleggak law mantuttuyyun mengastigun hi-gada.