Isaiah 32:5 - Keley-i Bible (Antipolo Ifugao)

⁵ Ey eleg dalli law tettebaladda endi nemnem tu niyadda maheul ni tutu-u.

Isaiah 32:5 Referans Kwoze

Isaiah 5:20

Anggehemmek kayu tep nanna-ud ni mekastigu kayu! Hi-gayun nahnahwi tuka pannemnem. Ya lawah ey kanyuy kayyaggud, ya kayyaggud ey kanyuy lawah. Hanniman mewan hu kawwalwal e kanyuy engeenget, ya engeenget ey kanyuy kawwalwal. Ya mapeit ey kanyuy malumi-ih, ey ya malumi-ih ey kanyu mewan ey mapeit.

Malachi 3:18

Yan nunman alin aggew ey ang-angen yu hu nambaklangan idan kayyaggud daka pehpehding niyadda etan lawah daka pehpehding, yadda etan kamansilbin hi-gak niyadda kamengiwwalleng ni hi-gak.”

Psalms 15:4

Daka tettebala hu tutu-un kamakangngu-unnud nan Apu Dios, nem anggebe-hel dadda hu kahing ni hi-gatu. Ey daka peamnun ippahding emin hu daka e-helan pehding da, anin ni panligligatan da.

1 Samuel 25:25

Liwwan mu anhan humman ni impahding Nabal tep endi nemnem tu ey lawah ngu dedan elaw tu e humman keibbellinan ni ngadan tu. Ey neipaddih ngudama anhan ni endi-ak ni inlian idan intu-dak mu, et humman hu liwwan mu anhan apu, humman.

Isaiah 32:7

Yadda dama lawah ni tutu-u, ey itek hu daka e-hela niya lawah daka pehding. Ida kamamplanuh ni lawah niya ida kaman-ittek ma-lat pemahbah daddan newetwet. Et humman hu, eleg meidwat hu kelebbengan idan newetwet tep yadda humman ni lawah ni daka ippahding.