Isaiah 22:8 - Keley-i Bible (Antipolo Ifugao)

⁸ Yan nenang-angan yun nunyan neipahding e tutu-ud Judah, ey neendi law namnamah yun meihwang, tep nanna-ud ni hehgepen idan buhul yun emin ida bebley yu ey binsik yun an nengaladdan intalu yun almas yu.

Isaiah 22:8 Referans Kwoze

1 Kings 10:17

Ey nengapyan telunggatut ni ekka-kut ni happiyaw ni umlaw di dewwan kiloh ni balituk hu neusal di hakey. Intalu tudda humman ni happiyaw di palasyoh tud Muyung e Lebanon ngadan tu.

1 Kings 7:2

Nginedanan tu humman ni baley tun Muyung e Lebanon. Hanggatut et neliman piyeh hu kadinukkey tu, nepitut liman piyeh hu kalinakkeb tu, niya na-pat et liman piyeh hu kasina-gey tu. Tellun linyah hu neta-gey ni tukud tu ey hampulut liman tukud di hakey ni linyah. Huyya idan nelinyah ni tukud hu neita-pewan idan wanan ni sedar. Nebubidahan ni sedar ingganah etan di netukudan ni kuwaltuh ni da kapengittelluin ngunut.

Song of Songs 4:4

Ey kakkayyaggud eya buklew mun nebanggelan ni pa-ngaw e henin kakinayyaggud ni eta-gey ni baley David ni neihableyan idan happiyaw ni netuled ni sindalu.

Isaiah 22:7

Napnun sindalun buhul tayu niyadda kalesah da hu nangkedeklan ni puyek di Judah e mateba kameitnen. Humman idan buhul tayun nampantakkay di kebayyu ey immen idad eheb ni Jerusalem e ihik dan umgubat.