Isaiah 2:7 - Keley-i Bible (Antipolo Ifugao)

⁷ Kedangyan hu Judah e bebley dan dakel hu silber niya balituk diman e eleg melkud. Dakel mewan kebayyu da et tagan da kapyan kalesah ni kameussal di gubat.

Isaiah 2:7 Referans Kwoze

Isaiah 31:1

Nanna-ud ni mekabbahbah idalli tutu-un umlaw di Egypt ni an mampebaddang! Daka iddinel di et-eteng ni kabaelan idan kaussalan Egypt ni mekiggubbat e heniddan kebayyu, kakalesah niya dakel ni sindalu. Eleg da iddinel hi Apu Dios e Kayyaggud ni peteg ni Dios idan helag Israel, niya eleg ida mampebaddang ni hi-gatu.

Isaiah 30:16

Implanuh yu ni-ngangu mewan hu pehding yu e mantakkay kayud neka-let ni kebayyu ma-lat bumsik kayu. Ma-nu tep em, pakkaw ni umbebsik kayu. Ey kanyu nem neka-let hu kebayyu yun umbebsik, nem eleg yu inamta e na-na-let anhan law hu kebayyuddan memdug ni hi-gayu.

Psalms 20:7

Dakel ida etan tuun ya almas da niya kebayyu da hu daka ididdinel ni pengapputan dad gubat. Nem hedin ngun hi-gatsu, man ya kabaelan Apu Dios e Dios tayu, hu tayu kaiddinel di pengapputan tayu.

Micah 5:10

Nem kan Apu Dios idan eleg mengu-unnud ni hi-gatuy “Yan nunman alin aggew ey pakabbahbahek ni emin hu yuka ididdinel, henin kebayyu niya kalesah yun yuka ussalad gubat.

Revelation 18:3

Huyya kastigu da tep impambalin dadda katuutuu niyadda ap-apud kebebbebley ni nangkabngang. Emin ida etan kamampambiyaheh niyadda kamampantendad kebebbebley ey ingkedangyan da humman ni kapambebngangiddan tutu-udman.”

Hosea 14:3

Eleg dakemi han-ihwang ni Assyria. Anin ni ya mika ussalad gubat et eleg mi iddinel. Ey eleg kami law mambeggan baddang idan dios ni kinapya min mika deyyawa. Tep hi-gam ni ebuh e Apu Dios hu kaumhemek idan anggehemmek ni tutu-u.’”

1 Kings 4:26

Hi Solomon e patul ey wada hu na-pat ni libun pukkungngan ni kebayyun kamangguyyud ni kalesah niya hampulut dewwan libun kebayyu tun kamei-ussal di gubat.

Isaiah 57:17

Bimmubbungettak ni hi-gada tep ya liwat dan nekuliput ida. Et humman hu kinastiguk ida et eggak ida hanguhanguden. Nem eleg ida mesilleg et nanengtun manghay idan daka ippilit pinhed da.

Job 3:15

Em, heballi ngu neteyyak et man-u-uggippak et heni-ak ida etan ni netey ni u-ungngan patul e napnu baley dan balituk niya silber,