Isaiah 17:12 - Keley-i Bible (Antipolo Ifugao)

¹² Iyaddalli dakel ni sindalun mengubbat ni hi-gayu. Heni bungug ni naka-let ni dalluyun di baybay hu ngaleda.

Isaiah 17:12 Referans Kwoze

Luke 21:25

Wadaddalli ang-angen yud kabunyan ni eleg yu enang-angen lan nunman. Melumman ali aggew, ya bulan et yadda bittuwen. Emin ali tuud kebebbebley di puyek ey umtatakut ida niya umkenel-ew idan pengngelan dan na-let ni bungug ni dalluyun di baybay.

Jeremiah 6:23

Indaddan da pana da niya ispadah dan mengubbat ni Jerusalem. Makabbunget ida niya endi hemek da. Hedin nantakkay idad kebayyu et ida kamemsik ey heni bungug ni dalluyun di baybay hu tenul ni besik da.”

Psalms 18:4

Lawah hu neipenahding ni hi-gak, et humman hu, kenayun ni nakka hanghanggaa hu ketteyyan ku et heni kamanhehhegged hu kulung ni hi-gak.

Revelation 17:15

Kan mewan etan ni anghel ni hi-gak ey “Ya etan ida wangwang ni inang-ang mun kapanyuyyuddungi etan ni biin tuka pebeyyad annel tu ey humman kakeiddingpatiddan dakel ni tuun nambakbaklang bebley da, ya nahlagan da niya ehel da.

Revelation 17:1

Immali etan hakey ida etan ni pitun anghel ni wada singnged dan duyu et kantun hi-gak ey “Ikay et peang-ang ku hu pengastigun Apu Dios etan ni biin tuka iggatang annel tu. Ya tuka kei-elligi huyyan bii ey ya etan nandingngel ni bebley di kad-an etan ni dakel ni wangwang.

Ezekiel 43:2

ey pinhakkeyey inang-ang ku hu dayaw ni Dios idan helag Israel e kaumhilin peteg e nalpullid appit ni kasimmilin aggew. Heni bungug ni danum di baybay hu ehel tu niya kaumhili hu hi-law tud puyek.

Isaiah 28:17

Ya meandeng ni kapehding niya kakinayyaggud hu keippuunan ni pengibbehwatak ni nunya. Peellik ali dallallu niya elwang et pan-ideplug tudda itek ni yuka pandinneli.

Isaiah 9:5

Yan nunman ali ey mangkegihheb ida patut niya nekukkuheyaw ni balwasiddan sindalun um-alin umgubat.

Psalms 29:3

Hi Apu Dios ey kamedeyyaw. Ya ehel tu ey kamedngel di baybay e heni kidul.

Numbers 10:35

Hedin mewan immegah ida et umlaw ida e in-attang da etan Kaban Apu Dios ey kan Moses ey “Apu Dios, inah ka et mudda pan-iwehit hu buhul mu. Pabsik mudda tuun anggebe-hel daka!”

Psalms 83:2

Kaw eleg mu ang-anga hu ngehay idan buhul mun hi-gam?

Isaiah 8:9

Kaemung kayun emin ni tutu-ud kebebbebley ni mekiggubbat! Nem meapput kayulli et mawehit kayu.

Isaiah 13:4

Dengel yu hu ngaladdan dakel ni tutu-ud duduntug. Inemung Apu Dios e Kabaelan tun emin hu sindalud kebebbebley et idaddan tuddan mekiggubbat.

Isaiah 54:17

Nem endilli almas ni manlipput ni hi-gam, niya kabaelam alin hummangen hu pebehhul dan hi-gam. Hi-gak ey nakka i-ehneng hu bega-en ku ma-lat mengapput ida.” Huyya inhel nan Apu Dios.

Micah 4:11

Anin ni yan nunya et neamung dakel ni sindalud kebebbebley ni mengubbat ni hi-gayu. Kanday ‘Mahapul ni bahbahen tayu Jerusalem et mebabba-ingan ida tuudman, et ipahhiya tayulli hu nengapputan tayun hi-gada.’

Daniel 7:2

Heninnuy hu ini-innep ku: Man-ang-angngak kumangngu ey nemahhig hu dibdib ni kamelpud nambinbina-hil etan di inang-ang kun baybay e ida kamanhiphipngat di gawwa tu et endi maptek ni kalawwin danum.