Isaiah 15:6 - Keley-i Bible (Antipolo Ifugao)

⁶ Natduk ida kulukul di Nimrim. Nakling ida helek et endi law kameang-ang ni neitnem.

Isaiah 15:6 Referans Kwoze

Numbers 32:36

Bet Nimrah et ya Bet Haran. Et nehammad law ni neluhud ni tuping ida humman ni bebley ey wadadda pengikkubkuban dan animal da.

Revelation 8:7

Impatnul etan ni nemangulun anghel hu tangguyup tu ey nangka-gah di puyek hu dallallu niya apuy e na-duman ni kuheyaw. Ey ya ingkatlun puyek ey negiheb et makigiheb hu ingkatlun emin ni keyew niya helek.

Joshua 13:27

anin ni nandeklan di Jordan ey nei-dum hu Bet Haram, Betnimrah, Sukkot, ya Sapon et yadda edum ni bebley ni nan-ap-apuan ni patul e hi Sihon di Hesbon. Ya pappeg ni bebley dad appit ni kakelinnugin aggew ey ya Wangwang e Jordan ingganah di Baybay e Galilee.

Numbers 32:3

“Hi-gamin bega-en yu ey dakel animal mi. Ey kayyaggud ni pampattulan ida bebley di Atarot, ya Dibon, ya Jaser, ya Nimrah, ya Hesbon, ya Elealeh, ya Sibmah, ya Nebo niya Beon e sinekup tayu tep ya baddang Apu Dios ma-lat pambebleyan tayun helag Israel.

Jeremiah 48:34

Ya kamedngel ey nangih idan tutu-un nambebley di Hesbon ingganah di Elealeh niyad Jahas, ey meippalpud Soar ingganah di Horonaim niyad Eglat Selisiyah. Beken ni ebuh idadman tep anin ni yad kulukul di Nimrim et natduk.

Jeremiah 14:5

Yadda dama makwah ey hini-yan da impah da tep endi helek ni kennen da.

Joel 2:3

Henin kapemahbahin apuy hu pehding idan nunman ni dudun ni intanem, tep kennen dan emin et endi da tetdaan. Anin ni kakkayyaggud etan bebley e heni Garden di Eden et pambalin dan henin desert.