Isaiah 14:12 - Keley-i Bible (Antipolo Ifugao)

¹² Hi-gam e patul ni Babilon e kameingngadnin madilag ni bittuwen ni kakkabbuhhan ey et-eteng hu kabaelam ni nunman e kamengennapput ni tutu-u eyad puyek, nem impedep-ah dakan nalpud kabunyan et ma-gah ka eyad puyek.

Isaiah 14:12 Referans Kwoze

Luke 10:18

Hinumang Jesus et kantuy “Em, inang-ang ku hi Satanas e pinhakkeyey heni kedyam hu nengipea-allawan Apu Dios ni hi-gatud kabunyan.

Revelation 8:10

Impatnul etan ni neikatlun anghel hu tangguyup tu ey wada et-eteng ni bittuwen ni kamantettebbel ni na-gah alid kabunyan et ma-gahan hu ingkatlun emin ni wangwang niyaddad etan di kautbulin danum.

Revelation 22:16

“Hi-gak e hi Jesus hu nengitu-dak etan ni anghel ma-lat tu ehelen ni hi-gayud kesimsimbaan yun emin eya impeamtak. Hi-gak hu hakey ni helag David. Niya hi-gak etan madilag ni talaw ni kamangkewa-wa.”

2 Peter 1:19

Huyya neamtaan tu e makulug hu inhel idan prophets ni meippanggep nan Jesus. Et humman hu, et-eteng dinel tayun inhel idan prophets niya mahapul ni kullugen tayu, tep humman idan inhel da ey heni dilag ni tuka bebnangi engeenget. Nem yallin ellian Jesus Christo, ey bebnangan tullin peteg hu nemnem tayu tep yan nunman ali ey han-awat tayulli law, tep hi-gatu kakelpuin kapan-ewwat, heni etan ni talaw e kakelpuin benang ni kamangkewa-wa.

Isaiah 34:4

Yan nunman ali ey meendi hu aggew, ya bulan niyadda bittuwen, e heniddalli dep-ul ni meiwwehhit. Meendilli kabunyan e henilli neludun ni papil. Ey mangke-gah idalli bittuwen, e henidda nakpit ni bulung ni grapes niya lameh ni keyew e fig.

Revelation 2:28

Iddawat kun hi-gatu hu talaw.

2 Peter 2:4

Tep anin idan anghel ni nunman et eleg ida hemeken Apu Dios eman ni nanliwtan da et palaw tuddad impiernoh e nandaul di engeenget et immen idadman e henidda neikubkub e daka hehheggeda hu kehuwetan da.

Revelation 9:1

Impatnul etan ni meikkelliman anghel hu tangguyup tu ey wada inang-ang kun bittuwen ni na-gah alid kabunyan. Humman ni bittuwen hu nengidwatan dan alladdun etan ni neku-kuan ni endi pappeg ni kadinallem tu.

Jeremiah 50:23

Yan nunman ey heni massilyu tep kamei-ellig ni minassilyu tu hu kebebbebley eyad puyek et mebuklidda. Nem yan nunya ey nekabbahbah et endi law silbitu. Et mukun kametngadda katuutuud kebebbebley ni neipahding ni nunman ni bebley.

Isaiah 13:10

Eleg idalli law umheyaw hu bittuwen niya bulan. Anin alin aggew et me-ngetan.

Jeremiah 51:53

Anin na-mun kantu et kapyaen idan iBabilon hu eta-gey ni peteg ni luhud da et datngan da kabunyan nem memahbah ni emin hu wadad bebley dan pengipellawan kuddan buhul da. Hi-gak e Dios hu nanghel nunya.”

Lamentations 2:1

Bimmunget hi Apu Dios ni Jerusalem et pambalin tun heni engeenget. Nekabbahbah tu hu kakinayyaggud nunman ni bebley et anin ni Tempol tu et inwalleng tu.

Ezekiel 26:17

A-appehan dakeyullin a-appeh hedin wada netey e kandalliy ‘Nebahbah hu nandingngel ey kayyaggud ni bebley yu. Neendidda law hu dakel ni bapor yud baybay. Yan nunman ey kapetekkut idan nambebley diman hu nampambebley di gilig ni baybay.

Obadiah 1:4

Nem anin na-mun ikkapya yud naka-itta-gey hu baballey yu e henin kasina-gey ni buyan tulduh, niya ikkapya yud kad-an idan bittuwen, et guyyuden dakeyu damengun hi-gak et melehbeng kayu. Hi-gak e Ap-Apu hu nanghel idan nunya.