Isaiah 12:3 - Keley-i Bible (Antipolo Ifugao)

³ Ya metengnin ni danum ey kamengippeamleng ni na-wew ni tuu. Hanniman ida dama hu tutu-un Apu Dios e nemahhig hu amleng dan pengihwangan tun hi-gada.

Isaiah 12:3 Referans Kwoze

Revelation 22:17

Kan etan ni Ispirituh Apu Dios niya etan ahwaen ni Impah ni Kalneroh ey “Ikeyuy.” Emin ida etan mengngel nunya ey mahapul daman kanday “Ikeyuy.” Em, emin ida etan nangka-wew ey ali kayu. Abulut yu eya endi bayad tun danum ni kaum-idwat ni biyag ni endi pappeg tu.

Revelation 22:1

Impeang-ang mewan etan ni anghel etan wangwang ni kakelpuin danum ni kaum-idwat ni biyag ni endi pappeg tu e ya ang-ang tu ey heni crystal tep makalli-neng. Humman ni wangwang ey nalpud kad-an Apu Dios niya etan Impah ni Kalneroh et

Revelation 7:17

Tep humman ni Impah ni Kalneroh hu heni kamampattul ni hi-gada et ippangulu tuddad hebwak ni kainnumin danum ni kakelpuin biyag. Endilli law umhulun ni da nengngihan di kad-an Apu Dios.”

Jeremiah 2:13

tep nemahhig hu nanliwatan yun tutu-uk. Ya hakey ni liwat yu ey inwalleng yuwak e kamei-ellig di ahhullan ni kaum-idwat ni danum ni ketegguan yu. Ya meikkadwa ey dinaydayaw yu hu beken ni makulug ni dios et kayu kamei-ellig ni nangku-kun bubun, nem kametduk.

Isaiah 49:10

Eleg ida meuppa niya eleg ida me-wew. Ey eleg da law hiktami nemahhig ni petang niya atung di desert. Ippanguluk idad wada innumen da tep ya et-eteng ni neminhed kun hi-gada.

John 1:16

Gapuh ni et-eteng ni impeminhed tu niya binabbal tun hi-gatsun tutu-u ey dakel ni peteg hu panyaggudan ni peelli tun dewwaten tayu.

Psalms 36:9

Hi-gam hu kakelpuin biyag ni emin ni mategu niya hi-gam hu heni dilag di biyag mi.

Song of Songs 2:3

Kan dama etan ni bii ey “Hedin daman hi-gam ey beken kan henin edum ni laki, tep heni ka etan ni kekakkayyaggudan ni keyew e apol di muyung. Pinpinhed kun manhihhiddum di hengeg tu ey kakkannen ku hu lameh tun makallumi-ih.

1 Samuel 2:1

Nandasal hi Hannah e kantuy “Apu Dios, et-eteng hu amleng kun hi-gam tep binaddangan muwak, et ngi-ngian kudda law hu kamemippihul ni hi-gak.

Isaiah 41:18

Peukkat ku danum idad ta-pew ni duduntug ni endi kaumtagun neitnem et maweda wangwang ni mampellaw idad nedeklan. Ey weddaen kuddalli hebwak et mambalin idan lebeng hu mamegan puyek.

Ezekiel 47:9

Emin di kadellanan nunyan danum ey kamewedda hu nambakbaklang ni kaman-ayyam di puyek niya nambakbaklang ni deleg. Ya danum ni nunyan kulukul ey pambalin tu etan Netey ni Baybay ni pambelleyan ni dakel ni deleg niya edum ni kaman-ayyam di puyek.

Psalms 87:7

Umtenayyatayyaw idalli niya um-ena-appeh ida et kanday “Yad Zion hu kakelpuin kapanyaggudin neitu-wan mi.”

Sekariah 13:1

Immehel mewan hi Apu Dios e Kabaelan tun emin ey kantuy “Yan nunman alin aggew ey mewedda hu hebwak ni heni pengullahan idan helag David niyadda bimmebley di Jerusalem ni liwat da.