Hosea 6:7 - Keley-i Bible (Antipolo Ifugao)

⁷ Heni kayuddan edum yun nambebley di Adam e eleg da u-unnuden hu nekitbalan dan hi-gak.

Hosea 6:7 Referans Kwoze

Hosea 8:1

Kan Apu Dios ey “Patnul yu tangguyup yu et pengamtaan idan tutu-u e iyalli buhul yu. Immen idallin henidda tulduh ni kamengellin memahbah ni hi-gayun tutu-uk, tep eleg yu u-unnuden hu nekitbalan kun hi-gayu niya nginhay yu tugun ku.

Hosea 5:7

Tep inwalleng yuwak e Ap-Apu e Dios yu et mandinel kayuddan beken ni makulug ni dios. Eggak ida ibbilang ni u-ungngak hu u-ungnga yu tep in-ungnga yuddan nandayawan yuddan dios yu, et humman hu heniddan hi-gayu. Et humman hu, mebahbah kayun emin anin idan intanem yu.

Job 31:33

Hedin hi-gak man bekennak ni henin edum e daka itattallu lawah ni daka pehpehding.

Genesis 3:11

Kan Apu Dios ey “Hipa nanghel ni hi-gam ni nambelad ka? Kaw kimman ka etan ni lameh ni keyew ni nakka ikka-leg?”

2 Kings 17:15

Inwalleng dadda Tugun Apu Dios ni ya nekitbalan tudda lan aammed da. Eleg da hengnguda hu tuka e-helan pehding da. Daka daydayawa hu endi silbi tun dios e kinapyan tuu et mambalin ida daman endi silbitu. Ey inu-unnud da hu kapehpehding idan edum ni tuun nambebley di nanlinikweh ni bebley da anin ni inhel Apu Dios ni hi-gada e eleg da ipahding humman.

Genesis 3:6

Inang-ang etan ni bii etan lameh nunman ni keyew ey kayyaggud ni peteg hu ang-ang tu et kayyaggud ni kennen. Ey ninemnem tu e pinhed tun mambalin ni nekallaing. Et umla et kanen tu et idwatan tu ahwa tu et kanen tu dama.

Hebrews 8:9

Nem beken ni henin nekitbalan kudda lan aammed da eman ni nengipenguluan kun hi-gadan neni-yanan dan Egypt tep eleg da pannananeng ni u-unnuden hu nekitbalan kun hi-gada, et humman nengiwallengan kun hi-gada.

Jeremiah 31:32

Nem beken ni henin nekitbalan kudda lan aammed da eman ni nengipenguluan kun hi-gadan neni-yanan dan Egypt tep eleg da pannananeng ni u-unnuden hu nekitbalan kun hi-gada, et mukun inwalleng kudda, anin ni ida kamei-ellig ni ahwak.

Jeremiah 5:11

Inwalleng tuwak idan iIsrael et yadda iJudah. Hi-gak e hi Apu Dios hu nanghel nunya.”

Jeremiah 3:7

Kangku ngu nem mantuttuyyuddan nengipenahdingan dan nunman et mambangngad idan mengu-unnud ni hi-gak, nem eleg. Et humman hu, intu-dak kudda tep hin-appil ni dios hu daka deyyawa. Yadda agi dan iJudah ey hanniman dama impahding da anin ni inang-ang da e lawah hu neipahding idan iIsrael, nem inu-unnud da kumedek hu lawah ni elaw da.

Isaiah 48:8

Inamtak e eleg kayu meiddinnel, tep makanghay kayu dedan neipalpun neiungngaan yu. Et humman hu, eleg yu hanguden ni dingngel ida huyya, anin ew ngun hakey ni ehel.

Isaiah 24:16

Medngel alid nangkeidawwin bebley hu a-appeh dan pandeyyaw dan Apu Dios e limpiyuh ni peteg elaw tu. Nem makaggeh nemnem ku niya nakka umlelemyung tep nemahhig ni lawah ida tutu-un endi hakey ni dammutun pandinnelan, anin ni hipan tuu, tep daka ihhehdul edum da.

Isaiah 24:5

Binahbah idan tuu eya puyek tep ya nemahhig ni liwat da e daka ngenghaya tugun Apu Dios, niya eleg da pannananeng ni u-unnuden etan nehammad ni nekitbalan tun hi-gadan endi pappeg tu.

Romans 5:14

Et meippalpu eman ni nanliwtan Adam ingganah eman ni nenawtan Moses etan ni Tugun Apu Dios ey kamettey hu tuu, anin ni endi da kinehing ni intugun Apu Dios ni henin nanliwtan Adam. Nem humman ni nanliwtan Adam ey neilegat ni emin hu tuu. Nem gapuh ni impahding etan ni neitu-nud ni hi-gatu e hi Jesus Christo ey meilleggat idan mehellakniban emin hu tuun mengullug ni hi-gatu.

Jeremiah 34:18

Em tep eleg yu peamnun pehding ida inhel yun pehding yu, meippuun di nantetebbalan tayu. Humman ey nantetebbalan tayuddan aap-apud Judah et yad Jerusalem, yadda opisyal di baley nan patul, yadda papaddi, et keklengen yu impah ni baka et pi-angen yu. Et mandalan kayud nambattanan idan nunman ni pengippeang-ang yu e ippahding yu humman ni insapatah yu. Nem gapu tep eleg yu ipahding hu insapatah yu ey pehding kun hi-gayu hu henin neipahding nunman ni impah ni baka.

Deuteronomy 31:20

Tep illaw kuddad bebley ni insapatah ku lan aammed dan iddawat kun hi-gada e dakel ni peteg gatas niya danum ni putsukan. Kayyaggud alin peteg biyag dadman, tep umkedangyan ida et emin pinpinhed dan kennen ey dammutun kennen da. Nem deyyawen dalli edum ni dios et pihhulen da-ak ey impangil da hu nekitbalan kun hi-gada.