Haggai 2:21 - Keley-i Bible (Antipolo Ifugao)

²¹ Kantuy “Ehel mun Serubbabel e gobernor ni Judah e kamangkedettengi law pengiggiwwedan kun kabunyan niya puyek,

Haggai 2:21 Referans Kwoze

Haggai 1:1

Yan eman ni nemangulun aggew ni meikka-nem ni bulan ni meikkadwan toon ni nampatulan Darius di Persia ey immehel hi Apu Dios nan Haggai e prophet. Et an ehelen nan Haggai nan Serubbabel e gobernor di Judah e u-ungngan Sealtiel, et hi Joshua e eta-gey ni padi e u-ungngan Jehosadak.

Ezra 5:2

Yan nangngelan di Serubbabel e u-ungngan Sealtiel nan Jeshua e u-ungngan Jehosadak ni impeamtaddan nunman ni prophet ey inlapu da mewan ni mengittu-man ni mangngunnud Tempol Apu Dios di Jerusalem et baddangan idan nunman ni dewwan prophet.

Psalms 46:6

Nem yaddalli katuutuud kebebbebley ey umtatakut ida tep mepappeg ali hu nampan-ap-apuan ni aap-apu da. Nanna-ud ni meippahding huyya, tep henilli kidul hu tekuk Apu Dios ni tu pengapputan idan emin hu sindalud puyek.

Haggai 1:14

Winedan Apu Dios hu amleng di Serubbabel e gobernor ni Judah, hi Joshua e u-ungngan Jehosadak e eta-gey ni padi niyaddan emin etan natdaan ni tutu-un Apu Dios. Et lapuan dan mangngunnud Tempol Ap-Apu e Dios da e Kabaelan tun emin.

Joel 3:16

Mantetekkuk ali hi Apu Dios e heni kidul dengel tud Duntug e Zion di Jerusalem. Meweddalli yegyeg eyad puyek niya meiggiwwed ali kabunyan. Nem hedin yaddalli helag Israel ey hi Apu Dios hu keihhikkugan da, tep tutu-u tudda.

Ezekiel 26:15

Yahhuy mewan hu kan Apu Dios e Eta-gey ni peteg, ni meippanggep ni Tyre e kantuy “Yallin pengubbatan ni buhul yun hi-gayu ey nemahhig ali takut idan nambebley di gilig ni baybay ni pengngelan dan palak idan kamangkettey di bebley yu tep meapput kayu.

Ezra 2:2

Ya nengipengulun hi-gada ey hi Serubbabel, hi Jeshua, hi Nehemiah, hi Seraiah, hi Reelaiah, hi Mordekai, hi Bilsan, hi Mispar, hi Bigbai, hi Rehum, et hi Baanah. Yahhuy hu bilang idan lalakkin helag Israel ni nambangngad ni nalpud Babilon: Ya ngadan ni nahlagan da Ya bilang da Yadda helag Paros 2,172 Yadda helag Sephatiah 372 Yadda helag Arah 775 Yadda helag Pahat-Moab (e helag di Jeshua nan Joab) 2,812 Yadda helag Elam 1,254 Yadda helag Sattu 945 Yadda helag Sakkai 760 Yadda helag Bani 642 Yadda helag Bebai 623 Yadda helag Asgad 1,222 Yadda helag Adonikam 666 Yadda helag Bigbai 2,056 Yadda helag Adin 454 Yadda helag Ater (e helag Hesekiah) 98 Yadda helag Besai 323 Yadda helag Jorah 112 Yadda helag Hashum 223 Yadda helag Gibbar 95

1 Chronicles 3:19

Dewwa u-ungngan Pedaiah e di Serubbabel nan Simei. Dewwa dama u-ungngan Serubbabel e di Meshullam nan Hananiah. Wada hakey ni biin u-ungnga tu e hi Selomit.

Ezekiel 21:27

Huyyan bebley ey mebahbah ali niya endi tu keiyayyaggudan ingganah ni ellian alin etan ni lebbeng tun man-ap-apu.”