Haggai 1:1 - Keley-i Bible (Antipolo Ifugao)

¹ Yan eman ni nemangulun aggew ni meikka-nem ni bulan ni meikkadwan toon ni nampatulan Darius di Persia ey immehel hi Apu Dios nan Haggai e prophet. Et an ehelen nan Haggai nan Serubbabel e gobernor di Judah e u-ungngan Sealtiel, et hi Joshua e eta-gey ni padi e u-ungngan Jehosadak.

Haggai 1:1 Referans Kwoze

Ezra 2:2

Ya nengipengulun hi-gada ey hi Serubbabel, hi Jeshua, hi Nehemiah, hi Seraiah, hi Reelaiah, hi Mordekai, hi Bilsan, hi Mispar, hi Bigbai, hi Rehum, et hi Baanah. Yahhuy hu bilang idan lalakkin helag Israel ni nambangngad ni nalpud Babilon: Ya ngadan ni nahlagan da Ya bilang da Yadda helag Paros 2,172 Yadda helag Sephatiah 372 Yadda helag Arah 775 Yadda helag Pahat-Moab (e helag di Jeshua nan Joab) 2,812 Yadda helag Elam 1,254 Yadda helag Sattu 945 Yadda helag Sakkai 760 Yadda helag Bani 642 Yadda helag Bebai 623 Yadda helag Asgad 1,222 Yadda helag Adonikam 666 Yadda helag Bigbai 2,056 Yadda helag Adin 454 Yadda helag Ater (e helag Hesekiah) 98 Yadda helag Besai 323 Yadda helag Jorah 112 Yadda helag Hashum 223 Yadda helag Gibbar 95

Ezra 3:8

Ya eman ni meikkadwan bulan ni meikkadwan toon ni nambangngadan dad Jerusalem ey inlapu dan memehwat ni Tempol. Immalid Serubbabel e u-ungngan Sealtiel, hi Jeshua e u-ungngan Jehosadak, yadda papaddi, yadda helag Levi niya emin hu edum dan helag Israel ni nambangngad di Jerusalem et mangngunud da. Yadda helag Levi ni dewampulu toon tu et nehuluk hu nengipappangngulun ngunun kebehwatan ni Tempol.

Ezra 3:2

Et kapyaen mewan di Jeshua e u-ungngan Jehosadak, yadda edum tun papaddi, et hi Serubbabel e u-ungngan Sealtiel et yadda aaggi tu, hu pan-appitan dan Dios dan helag Israel et wada ussalen dan man-appit ni kagihheba e humman intugun Moses e bega-en Apu Dios.

Haggai 2:10

Yan eman ni meikkadwampulut epat ni aggew ni meikkahyam ni bulan ni meikkadwan toon ni nampatulan nan Darius ey immehel mewan hi Apu Dios e Kabaelan tun emin nan Haggai e prophet

Haggai 1:12

Entanniy inu-unnud di Serubbabel e u-ungngan Sealtiel, hi Joshua e eta-gey ni padi e u-ungngan Jehosadak, niyaddan emin etan tutu-un natdaan, hu inhel Apu Dios e Dios da nan hi Haggai e prophet tu. Et daydayawen da law hi Apu Dios.

Nehemiah 7:7

Yadda nengipengulun hi-gada ey hi Serubbabel, hi Joshua, hi Nehemiah, hi Asariah, hi Raamiah, hi Nahamani, hi Mordekai, hi Bilsan, hi Misperet, hi Bigbai, hi Nehum et hi Baanah. Huyyadda neitudek ni lalakkin helag Israel ni nambangngad ni nalpud edum ni bebley ni neilawwan da. Ya ngadan nahlagan da Ya bilang da Ya helag Paros 2,172 Ya helag Sepahtiah 372 Ya helag Arah 652 Ya helag Pahat-Moab (helag di Jeshua nan Joab) 2,818 Ya helag Elam 1,254 Ya helag Sattu 845 Ya helag Sakkai 760 Ya helag Binnui 648 Ya helag Bebai 628 Ya helag Asgad 2,322 Ya helag Adonikam 667 Ya helag Bigbai 2,067 Ya helag Adin 655 Ya helag Ater (helag idan Hesekiah) 98 Ya helag Hashum 328 Ya helag Besai 324 Ya helag Harip 112 Ya helag Gibeon 95

Haggai 1:14

Winedan Apu Dios hu amleng di Serubbabel e gobernor ni Judah, hi Joshua e u-ungngan Jehosadak e eta-gey ni padi niyaddan emin etan natdaan ni tutu-un Apu Dios. Et lapuan dan mangngunnud Tempol Ap-Apu e Dios da e Kabaelan tun emin.

Ezra 6:14

Et itultuluy idan ap-apun helag Israel ni kinapya etan Tempol ey inu-unnud da intuttudduddan prophet e di Haggai nan Sekariah e helag Iddo. Ginibbuh dan binehwat hu Tempol tep humman in-olden nan Apu Dios dan helag Israel ey humman dama in-olden idan nampatul di Persia e hi Cyrus, hi Darius et hi Artaserses.

Haggai 2:20

Yan nunman ni aggew e meikkadwampulut epat ni aggew ni nunman ni bulan, ey immehel mewan hi Apu Dios nan Haggai.

Haggai 2:4

Nem emin kayu ey pekedhel yu nemnem yu et mangngunu kayu tep baddangan dakeyun hi-gak e Ap-Apu e Dios yun Kabaelan tun emin.

Nehemiah 12:10

Huyya tenten ni helag Joshua e eta-gey ni padi. Nahlag hi Joshua et hi Joiakim. Nahlag hi Joiakim et wada hi Eliashib. Nahlag hi Eliashib et wada hi Joiada.

Nehemiah 12:1

Huyyadda neitudek ni ngadan idan papaddi et yadda edum dan helag Levi ni nambangngad ni neki-lid Serubbabel e u-ungngan Sealtiel et hi Joshua e eta-gey ni padi: Hi Seraiah, hi Jeremiah, hi Ezra, hi Amariah, hi Malluk, hi Hattus, hi Sekaniah, hi Rehum, hi Meremot, hi Iddo, hi Ginnethoi, hi Abijah, hi Mijamin, hi Maadiah, hi Bilgah, hi Semaiah, hi Joiarib, hi Jedaiah, hi Sallu, hi Amok, hi Hilkiah, et hi Jedaiah. Huyyadda kamengipappangngulun papaddi eman ni ketaggun Joshua.

Nehemiah 8:9

Dingngel idan tutu-u hu neitudek di Tugun ni mahapul ni pehding da ey kanengih ida. Et kan di gobernor e hi Nehemiah, hi Ezra e padin nekangngamta Tugun et yadda edum tun helag nan Levi ni kamampengituttuddun Tugun ey “Entan nangih yu tep yan nunyan aggew ey daydayawan tayu hi Ap-Apu e Dios tayu.”

Nehemiah 5:14

Yan hi-gak hu gobernor di Judah ni hampulut dewwan toon e meippalpun meikkadwampulun toon ni nan-ap-apuan Artaserses ingganah ni meikkatelumpulut dewwan toon ni nan-ap-apuan tu, ey endi kinan middan edum kun kennen ni lebbeng tun meidwat ni hi-gak e gobernor.

Ezra 4:24

Neisiked hu ngunud Tempol Apu Dios di Jerusalem ingganah ni meikkadwan toon ni nampatulan Darius di Persia.

Ezra 4:2

et da ang-angen hi Serubbabel et yadda edum ni aap-apun helag Israel et kandan hi-gaday “Baddangan dakeyun mengapya eyan Tempol tep mi dama kadeyyawa hu Dios yun yuka deyyawa. Nan-enappit kamin hi-gatu neipalpu eman ni nengi-lian dakemin Esarhaddon e patul di Assyria ni mambebley deya.”

Ezra 2:63

Inhel nan gobernor da e eleg ida mabalin ni mekikkan ni neiappit nan Apu Dios ingganah ni wada hu padin mengi-ussal ni Urim et ya Thummim et pengamtaan da hedin dammutun mekikkan ida winu eleg.

Ezra 1:8

Ey impabilang tun Mitredat, e kamampaptek idan tenged niya pihhuh ni Persia, et hi-gatu mengidwat nan Sesbassar e gobernor ni Judah.

1 Chronicles 3:19

Dewwa u-ungngan Pedaiah e di Serubbabel nan Simei. Dewwa dama u-ungngan Serubbabel e di Meshullam nan Hananiah. Wada hakey ni biin u-ungnga tu e hi Selomit.

1 Chronicles 3:17

Yadda u-ungngan nan Jehoiachin ni nambalin ni balud di Babilonia: hi Sealtiel,

2 Kings 14:25

Binangngad tud gubat ida bebley di nambattanan ni Lebo Hamat niya Netey ni Baybay. Humman hu insapatah Apu Dios e Dios ni Israel nan hi Jonah e prophet e u-ungngan Amittai di Gath Hepher.

1 Kings 14:18

Ninannangngihan idan iIsrael et ikulung da e humman inamnuan ni inhel Apu Dios nan Ahijah e prophet.

Exodus 4:13

Nem kan Moses ey “Apu, eggak pinhed ni umlaw. Ya edum hu itu-dak mu.”

1 Kings 10:15

Hin-appil ngu dedan hu buwis ni kabeyyadiddan kamampanggettang niya hin-appil hu kamelpuddan patul di Arabia niyadda gobernor idan bebley di Israel.

Ezra 5:1

Yan nunman ey hi Haggai e prophet et hi Sekariah e hakey mewan ni prophet e u-ungngan Iddo ey impeamta da hu inhel nan Apu Dios idan helag Israel idan edum dan nambebley di Judah et yad Jerusalem.

Ezra 5:3

Nem anggegannu ey limmaw hi Tattenai e gobernor ni probinsiya di appit ni kakelinnugin aggew di Wangwang e Euphrates, et hi Sethar Bosenai et yadda edum da di Jerusalem et mahmahan da e kanday “Hipa nengiebulut ni hi-gayun memehwat eyan Tempol et mekapya mewan huyyan baley?”

Ezra 10:18

Yadda papaddi: Yaddad helag Jeshua e u-ungngan Josadak et yadda aaggi tun lalakki ey hi Maaseiah, hi Elieser, hi Jarib et hi Gedaliah.

Haggai 1:2

Kantuy “Heninnuy hu inhel Apu Dios e Kabaelan tun emin ‘Kan ida eyan tutu-u ey beken nin nunyan tsimpuh ni pengiyayyaggudan ni Tempol.’”

Haggai 1:3

Et ehelen Apu Dios nan Haggai huyyan e-helen tuddan tutu-u e kantuy

Haggai 2:21

Kantuy “Ehel mun Serubbabel e gobernor ni Judah e kamangkedettengi law pengiggiwwedan kun kabunyan niya puyek,

Malachi 1:8

Hedin in-appit yu hu nekulap winu kamandedgeh, niya nepi-day ni animal yun hi-gak, kaw ya yuka pannemnem ey beken ni neihla impahding yu? Ipatna yun iddawat hu hanniman ni animal ni gobernor yu et ang-angen tayu hedin man-am-amleng winu hedin umbaddang di hipan mahapul yu! Hi-gak e Ap-Apu e Kabaelan tun emin hu nanghel nunya.

Haggai 1:15

Yan nunman hu meikkadwampulut epat ni aggew ni meikka-nem ni bulan ni meikkadwan toon ni nampatulan Darius.

Sekariah 1:1

Yan eman ni meikkewwalun bulan ni meikkadwan toon ni nampatulan Darius di Persia ey impeamtan Apu Dios huyyan hi-gak e prophet e hi Sekariah e u-ungngan Berekiah e u-ungngan Iddo.

Sekariah 3:1

Entanniy impeang-ang Apu Dios ni hi-gak hi Joshua e eta-gey ni padi e kaman-eh-ehneng di hinangga etan ni anghel Apu Dios. Wada hi Satanas di winannan etan ni anghel e dakel tuka pan-ehelan bahul nan Joshua.