Genesis 7:5 - Keley-i Bible (Antipolo Ifugao)

⁵ Et ipahding nan Noah emin hu intugun nan Apu Dios ni pehding tu.

Genesis 7:5 Referans Kwoze

Genesis 6:22

Et ipahding Noah emin hu inhel Apu Dios.

Luke 8:21

Nem kantun hi-gaday “Yadda tuun mengngel ni ehel Apu Dios et u-unnuden da ey hi-gada nakka ibbilang ni inak ey agik.”

Exodus 39:32

Huyya law hu negibbuhan ni Tabernacle. Yadda helag Israel ey impahding dan emin hu in-olden Apu Dios nan Moses.

Hebrews 5:8

Ma-nut U-ungngan Apu Dios hi Jesus, nem mahapul ni nanlelehhanan tu ligat tun pengippeang-angan tun tuka pengu-unnudin Apu Dios.

Philippians 2:8

Impebabah tu annel tu et iketey tu nengu-unnudan tun pinhed Apu Dios, anin ni anggeba-ing humman ni neteyyan tud krus.

John 13:17

Hedin inewatan yu huyyan inhel ku, ipahding yu et umamleng kayu.

Matthew 3:15

Nem kan Jesus ey “Heninnuy elaw tu. Huyya pehding ta ma-lat u-unnuden tan emin hu pinhed Apu Dios.” Et abuluten law nan John ni benyagan hi Jesus.

Exodus 40:16

Inu-unnud Moses emin humman ni intugun Apu Dios ni pehding tu.

John 2:5

Nem kan inetu etan idan bega-en ni kamampaptek ey “U-unnud yu hu hipan e-helen Jesus ni hi-gayu.”

Exodus 7:6

Et u-unnuden di Moses nan hi Aaron ni emin hu inhel Apu Dios ni hi-gada.

Genesis 7:16

Impahding da humman e inu-unnud da hu inhel Apu Dios ni pehding da. Et yan hinggepan dan emin etan di bapor ey inlekbin Apu Dios hu habyen.