Genesis 7:21 - Keley-i Bible (Antipolo Ifugao)

^21-23 Et meendin emin hu mategu eyad puyek, yadda tuu, yadda animal ni maeyum niya beken, yadda kamambinulluh niya kamangkinaddap, niyadda sisit, tep nalsing idan emin. Yan ebuh hu neihwang ni eleg malsing ey hi Noah niyadda etan nekihgep ni hi-gatud bapor.

Genesis 7:21 Referans Kwoze

Genesis 6:13

Et kantun Noah ey “Bahbahen ku ew hu puyek et mepappeg hu biyag idan tuu tep ay lawah idan peteg e ida kamampapatey.

Genesis 7:4

Tep hanlingguan hu melebbah meippalpun nunya ey peellik hu udan ni na-pat ni aggew niya na-pat ni hileng ma-lat meendin emin ida mategun lintuk.”

Genesis 6:17

Pengapya dakan bapor tep lelbengan ku puyek et mebahbah emin hu mategu.

Romans 8:20

Eleg ni umamnu hu pinhed Apu Dios ni meippahding idan lintu tu, tep impambalin tuddan kamebahbah. Beken ni gapu tep humman pinhed da, nem humman pinhed Apu Dios ni pehding tu. Nem anin ni hanniman, et nanengtun wada namnamah tayun

2 Peter 2:5

Ey eleg tu mewan hemeken ida etan tutu-un nunman, tep ebuh lawah ni impenahding da et lebengen Apu Dios hu puyek et malsing ida. Hi Noah e kamengittenuttuddun kayyaggud, niyadda etan pitun edum tu hu natdaan ni ebuh ni eleg malsing.

Romans 8:22

Tep inamta tayu e emin hu lintun Apu Dios ey ida kamanligligat ingganah nunyan daka penehheggedin keiyyaggudan da, henin kapanligligasin biin man-ungnga.

Matthew 24:39

Eleg da amta hedin hipa mekapkapya ey umkukumna ida ey nalbengan hu puyek et mangkalsing ida, tep eleg ida mandaddan. Henin nunman ali daman pambangngadan kud puyek, e eleg idalli mandaddan hu tuu.

Sephaniah 1:3

Bahbahen kudda tutu-u, yadda animal, yadda sisit niyadda deleg. Bahbahen kudda hu lawah ni tutu-u. Em, bahbahen kuddan emin hu tutu-u et endi an metdaan. Hi-gak e Ap-Apu hu nanghel nunya.

Joel 2:3

Henin kapemahbahin apuy hu pehding idan nunman ni dudun ni intanem, tep kennen dan emin et endi da tetdaan. Anin ni kakkayyaggud etan bebley e heni Garden di Eden et pambalin dan henin desert.

Hosea 4:3

Et mukun metduk alin emin hu danum di bebley yu et matey ni emin hu mategu, anin idan animal, yadda sisit niyadda deleg.”

Isaiah 24:19

Et humman hu, mangkedhak ali puyek et mangkepi-ang.

Isaiah 24:6

Et humman hu, iddutan alin Apu Dios eya puyek et manhelheltap ida tutu-u tep ya liwat da. Hahhakey idallin ebuh metdaan.

Job 34:15

nanna-ud ni mettey itsun emin et mambalin itsun dep-ul.