Genesis 50:13 - Keley-i Bible (Antipolo Ifugao)

¹³ e da ingkulung di Kanaan etan di leyang di Makpelah e neihnup di Mamre, e humman etan payew ni gintang Abraham etan ni Hittite e hi Eplon, et pambalin tun gungat idan pamilyah tu.

Genesis 50:13 Referans Kwoze

Acts 7:16

Emin ida ey neikulung idad Shechem e gungat ni gintang eman ni ammed tayu e hi Abraham idan helag Hamor.

2 Kings 21:18

Netey hi Manasseh et maikulung etan di garden di baley tu e garden Ussa et maihullul hu u-ungnga tu e hi Amon ni nampatul.

Genesis 35:27

Immanemut di Jacob di kad-an nan ametu hi Isaac di Mamre e neihnup di Hebron e nambebleyan dama lan aputu hi Abraham.

Genesis 25:9

Et an ikulung idan u-ungnga tu e di Isaac nan Ismael etan di ginatngan Abraham ni leyang nan Eplon e u-ungngan Sohar e Hittite. Yadman dama neikulungan Sarah e ahwatu etan di takdul ni payew di Makpelah e neihnup di Mamre.

Genesis 23:20

Et humman ni payew niya leyang e puyek etan ni Hittite ey puyek law nan Abraham et pambalin tun gungat ni pamilyah tu.

Genesis 47:30

Nem ikulung muwak alid neikulungan idan aammed ku.” Kan Joseph ey “Em e ama, u-unnuden ku huttan ni inhel mu.”

Genesis 50:12

Yadda etan u-ungngan Jacob ey inu-unnud da hu inhel ameda

Genesis 50:14

Negibbuh ni ingkulung di Joseph hi ameda et mambangngad idad Egypt e hi-gadan emin idan agitu niyadda etan iEgypt ni nekilaw ni hi-gada.

Genesis 23:9

et igetang tun hi-gak etan leyang di Makpelah di dagsin payew tu. Mahmahi yu hedin piga pengiggettang tu ma-lat bayadan kun wada kayun menang-ang et pambalin kun gungat ni pamilyah ku.”