Genesis 49:14 - Keley-i Bible (Antipolo Ifugao)

¹⁴ Hi-gam e Issakar ey heni ka kebayyu, e ma-nut na-let,

Genesis 49:14 Referans Kwoze

1 Chronicles 12:32

Yad helag Issakar ey 200 ni aap-apu e ingkuyug dadda sindalu da. Inamtaddan nunyan sindalu hedin hipa kekakkayyaggudan ni tsimpuh ni da pekiggubbatan.

Genesis 30:18

Et ngadanan Leah ni Issakar tep kantuy “Huyyan u-ungnga hu gungunah kun indawat Apu Dios tep in-abulut ku bega-en kun i-ulig ni ahwak.”

Deuteronomy 33:18

Heninnuy hu inhel Moses meippanggep idan helag Sebulun et yadda helag Issakar: “Umkedangyan idalli et anhan hu helag Sebulun di negosyoh dad baybay ey mee-edduman ali et anhan hu kakinedangyan idan helag Issakar di bebley da. Ikkedangyan dadda wadad baybay ey yadda wadad dallem ni palnah. Eyyagan dad duntug da tutu-ud edum ni bebley, et iappit dadda lebbeng tun kamei-appit nan Apu Dios.”

Judges 10:1

Yan eman ni endi law hi Abimelek tep netey, ey hi Tola e u-ungngan Puah e u-ungngan Dodo hu wada kabaelan tun mengihwang ni helag Israel. Nahlag nan Issakar e nambebley di Samir di duntuduntug ni bebley Epraim.

Genesis 49:15

nem hedin wada inang-ang tun kakkayyaggud ni pattulan ey umlaw diman et an man-u-uggip. Ey gapu tep yadman hu pinhed tun panha-adan ey lektattuy nambalin ni bega-en diman.

Numbers 32:16

Nem kandan Moses ey “Hedin ya pinhed min pehding ey mengapya kamin pengikkubkuban min kalneroh mi ey hammaden min luhhuden eya bebley et panha-adan idan ahwa mi niyadda u-ungnga mi.

Psalms 68:13

Anin idan eleg makigubat, tep hi-gada nengipaptek ni kalneroh et neidwatan idan inladdan sindalud gubat. Et henidda neta-bunan ni silber niya balituk et heniddan paluman hinenian ni payak tu.”

Psalms 78:70

Pinili tu hi David ni heni pambega-en tu, et tulli paewit di tuka pampappattuliddan kalneroh,