Genesis 45:15 - Keley-i Bible (Antipolo Ifugao)

¹⁵ Nanengtun kamannengngih hi Joseph ey tudda nan-akwal etan edum ni agitu. Et entanni ey ida law kamekihuhhummangan ni hi-gatu.

Genesis 45:15 Referans Kwoze

Luke 15:20

Humman hu ninemnem tun pehding tu et umgah ni mambangngad di baley ametu. Neidawwi ni pay di baley da ey inimmatunan ametu ey kaman-am-amleng ni peteg ni nenang-ang ni hi-gatu. Nambesik hi ametun an menipngat ni hi-gatu et akwalen tu.

Acts 20:37

Wada hakkeyey ida kamanlelewwa ey daka pan-akwala hi Paul.

Psalms 77:4

Eleg um-ali ugip ku tep nemahhig ni kamemunnumunnu hu nemnem ku et eleg meibbehwang hu pinhed kun iddasal nan Apu Dios.

2 Samuel 14:33

Limmaw hi Joab di kad-an David e patul et tu ehlen hu inhel Absalom ey impaeyag law nan David hi Absalom. Limmaw hi Absalom et manyuung et akwalen nan ametu.

1 Samuel 20:41

Limmaw la etan u-ungnga ey neukat hi David di nantaluan tud kad-an ni batu et mandukkun et manyuung ni nampitlun nan Jonathan. Nan-akwal ida et mannanangih idan dewwa, nema-man David.

1 Samuel 10:1

Inukat Samuel hu neibuti ni lanan olibah et iduyag tud ulun Saul. Inakwal Samuel hi Saul et kantuy “Pinutuk dakan Apu Dios ni pan-ap-apuddan helag Israel ma-lat ihwang muddad buhul da. Heninnuy hu pengamtaam e hi Apu Dios hu nemutuk ni hi-gam ni man-ap-apu.

Ruth 1:14

Inhel tu humman ey nannanangih ida mewan. Et akwalen Orpah hi inetu et umenamut. Nem hedin hi Ruth, man tuka pepillit ni mekillaw nan Naomi.

Ruth 1:9

Ey nakka iddasal e i-abulut tun mengahwa kayu ma-lat wada mewan hu neduttuk ni panha-adan yu.” Humman inhel Naomi ey tudda kapan-akwala, ey wada hakey ey kamannengngih.

Exodus 4:27

Hi Apu Dios ey inhel tu lan Aaron e tu dammuen di Moses etan di eleg mebebleyi. Et lumaw hi Aaron et tu dammuen hi Moses et akwalen tu.

Genesis 45:2

Nemahhig nangih tu et dengelen idan iEgypt et da peamta etan ni patul.

Genesis 33:4

Nambesik hi Esau ni an nenammun Jacob et akwalen tu ey ida kamannengngih ni dewwa.

Genesis 29:13

Dingngel Laban e wada etan pengungngaan tu ey impapuut tu et tu dammuen. Inakwal tu et ikuyug tud baley da. Et e-ehhelen nan Jacob emin hu neipahding.

Genesis 29:11

Et kan tun Rachel ey “Hi-gak hu u-ungngan Rebekah e agin amam.” Et akwalen tu hi Rachel ey kamannengngih ni amleng tu. Et mambesik hi Rachel di baley da et tu ehlen nan ametu.

Genesis 42:24

Hini-yan Joseph ida et an mannannangngih. Et han mambangngad et hi Simeon hu impabelud tu e kaang-angaddan agi tu.

Genesis 45:14

Negibbuh ni inhel tu humman et akwalen tu hi agitu hi Benjamin ey kamannengngih. Et akwalen daman Benjamin e kamannengngih dama.

Genesis 45:16

Dingngel etan ni patul niyadda opisyal tu e wadadda agin Joseph ey immamleng ida.

Genesis 46:29

Et manlugan hi Joseph di kalesah tu et tu dammuen di ametud Goshen. Nandateng idan ametu et akwalen tu et tagan tu nangih.