Genesis 42:30 - Keley-i Bible (Antipolo Ifugao)

³⁰ Kanday “Ya etan gobernor ey tuka pambinungnget ni meki-ungbal ni hi-gami. Kantuy limmaw kamin mansi-im di bebley da.

Genesis 42:30 Referans Kwoze

Genesis 42:7

Yan nenang-angan nan Joseph idan agitu ey inimmatunan tudda. Nem eleg da immatunan hi Joseph e agi da. Et ya impahding Joseph ey immpeang-ang tu e heni eleg tudda amta et tuka pambinungnget hu tuka pan-e-ehhel ni hi-gada e kantuy “Ettu bebley ni nalpuan yu?” Himmumang ida agitu e kanday “Nalpu kamid Kanaan. Immali kamin umgatang ni kennen.”

Genesis 42:29

Immanemut idad Kanaan et ehlen dan amedan emin hu neipahding ni hi-gada.

Genesis 42:9

Ninemnem Joseph hu ini-innep tun nunman meippanggep ni hi-gada. Et kantun hi-gaday “Tam immali kayun an mansi-im ni hi-gami ma-lat amtaen yu elaw eyan bebley mi hedin dammutun apputen dakemid gubat.”

Genesis 42:16

Et humman hu, mahapul ni umlaw ali hakey ni hi-gayun an mengewwit etan ni udidyan yu. Hi-gayun edum ey meikkellabut kayu et maguwalyaan kayu ingganah ni amtaen ku e makulug hu inhel yu. Tep hedin itek hu inhel yu ey humman keang-angan tu e makulug ni immali kayun mansi-im.”