Genesis 41:37 - Keley-i Bible (Antipolo Ifugao)

³⁷ Ya etan patul niyadda etan opisyal tu ey pininhed da humman ni planuh ni inhel Joseph.

Genesis 41:37 Referans Kwoze

Proverbs 25:11

Kayyaggud dengel ni kae-helan edum ni tuu hedin humman pinhed mun dedngelen nunman ni tsimpuh. Ya humman ey heni balituk ni apol ni neiyayyaggud ni neiha-ad di basket ni silber.

Proverbs 10:20

Ya kae-helan kayyaggud ni tuu ey kamei-ellig di nemahmah ni silber. Nem ya kapannemnem ni lawah ni tuu ey endi silbitu.

Psalms 105:19

Neikelabut hi Joseph ingganah ni immamnun neipahding ida etan inhel tun meippahding ni impeamtan Apu Dios ni hi-gatu. Huyyan neipahding nan Joseph hu nematnaan Apu Dios ni hi-gatu.

1 Kings 21:2

Hakey ni aggew ey kan Ahab nan Nabot ey “Ettu et idwat mun hi-gak etan puyek mun sinneman mun grapes? Neihnup di palasyoh ku et pinhed kun tenneman ni natnateng. Mekiwwa-hi-ak ni kakkayyaggud pay ni pantennemam ni grapes hedin pinhed mu. Hedin bekken, beyyadak ni ustuh.”

2 Samuel 3:36

Katetebbaladdan tuu huyyan impahding David, anin idan etan ni edum ni impahding tu.

Joshua 22:30

Kayyaggud hu nangngel di Pinehas et yadda edum tun kamengipappangngulun helag Israel ni inhel idan aaggi dan helag Reuben, helag Gad et yadda kagedwah ni helag Manasseh

Genesis 41:36

Humman hu pehding mu ma-lat wadalli kennen ni nunman ni kedettengan ni pitun toon ni bisil et eleg matey ida tuun upa da.”

Genesis 41:38

Et kan etan ni patul idan opisyal tuy “Endi edum ni mei-ingngeh nan Joseph tep wadan hi-gatu ispirituh Apu Dios.”

Genesis 45:16

Dingngel etan ni patul niyadda opisyal tu e wadadda agin Joseph ey immamleng ida.